رد: للمجانين فقط ..لا غير !!..
 

بس ما تقولوا انو صبحي البشيتي جننا لانها عن جد قصيده بتجنن واي واحد بفسرها حيكون هو الملك تبعنا . وقلت لحالي طالما انها هالشغلة جنون بجنون لقيت قصيدة كاتبها واحد من عقلاء المجانين وحابب احطلكو اياها ( ومجنون كل واحد بفكر او بحاول يشرحها او يفهمها )

اسم الشاعر : مجنون بن اهبل بن مخرخش الضاوي
(((منقول)))

يقول وما بال البـحاط مـقرطماً ** ويسعى دواماً بين هك وهنكـلِ
‎إذا أقـبـل البعـراط طاح بهمةٍ * وإن أقرط المحطوش ناء بكلكلِ‎
يكاد على فرط الحطيـف يبقبـق * ويضرب ما بين الهماط وكندلِ‎

فيا أيها البغوش لسـت بقاعـدٍ** ولا أنت في كل البحيص بطنبلِ‎ .

وبما ان القصيدة فيها الكثير من الكلمات الغير دارجة فاقدم لكم شرح لهذهالكلمات

معاني الكلمات‎:

:تبهطل: أي تكرنف في المشاحط
المزركل: هو كل بعبيط أصابته فطاطة
العقيش: هو البقس المزركب
مقرنطاً: أي كثير التمقمق ليلاً
البحطاط: أي الفكاش المكتئب
مقرطماً: أي مزنفلاً
هك: الهك هو البقيص الصغير
البعراط: هو واحد البعاريط وهو العكوش المضيئة
أقرط: أي قرطف يده من شدة البرد‎
المحطوش: هو المتقارش بغير مهباج
يبقبق: أي يهرتج بشدة
الهماط: هي عكوط تظهر ليلاً وتختفي نهاراً
الكندل: هو العنجف المتمارط
البغوش: هو المعطاط المكتنف
البحيص: هو وادٍ بشمال المريخ
الطنبل: هو البعاق المتفرطش ساعة الغروب‎

نود أن نذكر أن قائل هذه الأبيات كان شاعراً فطحلاً ، روى الشعر وهو ابن عشرة أيام

رد: للمجانين فقط ..لا غير !!..
 

رد: للمجانين فقط ..لا غير !!..
 

رد: للمجانين فقط ..لا غير !!..
 

أطمئن ياأبو صبيح صدر قرار ممنوع حدا يفهم.. وهلأ بتلاقيهم قاعدين عم يشربوا..سلتوع سادة.. وفنشاع سكر زيادة
بس شو يعني سلتوع وفنشاع ..؟؟
ههههههههه

رد: للمجانين فقط ..لا غير !!..
 

شو بدك تضحك علي
السلتوع : وجمعه سلاتيع وهو الكخوش الاخضر اما
الفنشاع :وهو من فنشع يفنشع تفنشعا فنحن في فلسطين نضعه مع الطمارح على اكلة الفسطومه

رد: للمجانين فقط ..لا غير !!..
 

صباح الخير بالليل،

وميت مسا على الناس اللي لسة صاحية من النوم ، وصباحوا للي رايحين يناموا

جايبالكم معي ترويقة ، بتحبوا تاكلوا ولا تناموا خفاف؟

سمعت انه اللي بيتروق المسا بيصير عن تلعبكات بالمخ ، وبيصيرله حولان في الفم ، وبيصير يمشي لقدام وكأنه رايح لورا, هاهاهاهاهاااااااااا تخيلتوا هالمكرفش هادا؟ يخرب بيته شكله مثل جون ترافورتا.....مين هادا ترافورتا بدي اعرف هلأ هلآ هلآ :sm124:

يلا بدي ا خد الترويقات اللي جبتها وراح بسط فيها عا باب الحارة ، حتى يجي عقيد المجانين وعطيه ياهن، صحيح هو مين عقيد المجانين يا حارة المجانين يا هووووووووووووووو

سلام بيجنن
الله يصلحكم ويعقلكم،

رد: للمجانين فقط ..لا غير !!..
 

انا مش فاهم انت يا سلوى جبتي العشا على الفطور وحطيتي ساندويش الشاي في النملية والعقيد لساتوا ما نام من احلامه وانا رح اصحي عشان يشرب معنا السلتوع المحلى مع كاسة فنشاع مزبطة تزبيط من احسن زبيط في البلد
اما بالنسبه لتعلكبات المخ استعملى ثلاث كاسات من(( ظل مأذنة)) ((وصحنين شمس سطوح ))وحطيهم مع كيلو مخ نمل واخلطيهم بالمكرويف واخبزيهم بالغساله وقدميهم نيات للمريض واذا عاش عاش واذا مات الله يشفي ويرجعلنا اياه سالم وغانم.

رد: للمجانين فقط ..لا غير !!..
 

لا سيدي ماحذرت ..عندي وصفة مفعولها أقوى من وصفتك..
شوفي ياست سلوى .. أول شي بتجيبي ربع وقية نعنع التيس و فردة عتيقة من صندل العنكبوت وعرف ديك أعور وقرن تور أبرص.. بتطحنيهم ناعمين وبتخلطيهم مع فنجان سلتوع وكاسة فنشاع.. ومعلقة عالريق ووحدة قبل النوم ولمدة أسبوع وبعدها بتلاقي المخ بالمرة ضاع ومافي خوف من رجعته .. أما إذا رجع ما ألك إلا خيزرانة أبو البنات بتضربيه فيها سبع ضربات بتخليه ينط سبع نطات وبيوصل اصريخه من ساحة الميسات للسبع بحرات..
وهي ياستي سموها أم رسلان لأنها دوا للصاحي والوعيان واستعمالها بكل وقت بيكون نفعان .
جربي وشوفي ..!
وصباح الخير بالليل

رد: للمجانين فقط ..لا غير !!..
 

ليش ياسيد كوجك بتفكر حالك بس انت بتفهم بالوصفات وصفتك كثير منيحة بس انا كمان دارس ((طب مجانين في كلية الحقوق فرع الهندسه المعمارية في جامعة دمشق في مدينة نيويورك في البرازيل) ووصفاتي عمرها ما عقلت مجنون ولا رجعت مخ رايح .
شوفي يا سلوى بتجيبي زعتر حب وبتحطي معاه بزر الخل وبتعجيبيهم مع كاسين سلتوع مخمر وحطي عليهم كيلو فنشاع بكر مع قرن فلفل ذكر مع سمكة مملحة تكون امها عاقر وابوها بجيبش اولاد .
اخلطيهم منيح وادهنيهم محل الكسر بروح المخ وما برجع من السفر لانه الجواز ضاع ومفيش تذكرة طياره في قبرص الجو حار معتدل والشتاء ببلش مع صفارة الحكم بتنتهي المباراة بفوز اليورو على الدولار بنتيجة 2 الى بندورة مع البصل وحبتن خيار بتصير متبل الباذنجان جاهز
وصباح الخير بالليل

رد: للمجانين فقط ..لا غير !!..
 

انا زعلانة منك اخي تيسير ، الوصفة اللي عطيتني ياها غلط ، شو بتفكرني مجنونة ولا شو

من الصبح وانا بدور على الأشياء اللي حكيتلي عليها ، لقيتهم كلهم بس لما وصلت للملحمة اللي بتبيع صنادل عنكبوتات حكالي البياع قد ايه رقم إجر العنكبوت , وكمان قال لي اي فردة يمال ولا شمين؟ ما عرفت اجاوبه :sm215:

ليش ما حكيتلي ههه :sm233: