|
تن .. تن .. تن
تن ؛؛تن ؛؛تن
الســــــــــــــــاعة بترن والنــــــــــــــاس بتدن من كتر الظــــــــــــن كــل الدنيا حكاوى ياعم تن؛؛تن نــاس بتظــن .وناس بـتذم ونــاس بدور .وناس بتلف ونـاس أطباعها زى الزفت تن ،،تن السـاعة بترن نـاس بتهز .ونـاس بتلز ونـاس تحب تريش وز تن؛؛تن السـاعة بترن نــاس فى الهم . ونـاس فى اليم ونــاس مش لاقية حتى المم تن؛؛ تن نـاس بتهش .وناس بتنش وناس كتيرة ليها فى الغش عايشه الدنيا بمليون وش تن؛؛تن نــاس بتزك . ونـاس بتلك ونـاس بتنط. زى القط تهبش هبشة وترضي العط روحنا فى داهية ياعم الحج فين الجــد .. وغاب الحد كل الدنيا حكاوى ياعم تن ؛؛؛؛تن ؛؛؛؛تن الســاعة بترن والناس بتدن من كتر الظن كل الدنيا حكاوى ياعم واحد شرق . واحد غرب وواحد شق هدومه من الهم تحياتى : سيد يوسف مرسى |
رد: تن .. تن .. تن
تن .. تن ...
الساعة بتئن النص حلو يا عم |
رد: تن .. تن .. تن
تن . تن . تن
عندك حق دي حاجة تجن سيبك من ألاعيب الدنيا ويلا نمخمخ فناجين بن مهما نقول ونعيد راح نتعب والنحلة مش هتبطل زن خلينا نعدل ف نفوسنا ودنيتنا لها رب يمن على كل الناس يعدل حالها وتحلو الايام وتحن .. تن . تن . تن .. وقبل ما نقفل شبابيك بيتنا كلمات شعرك كلها فن تن . تن . تن |
رد: تن .. تن .. تن
اقتباس:
مرحب مرحب بنت العم أحلى ما فيك إنك جد ورده وحلوة وعايزه الشم جيتك أجري على مالي وشي لما رأيتك ناكره الزن حاجه تطهق وحاجه تجن يلا وبينا وتحت أمرك وهات القهوة سكر زايد البن وتعالي نعقد مع بعضينا وتبقى القعده قعدة فن وندي جميع الخلق ضهورنا ونشوف حالنا يابنت العم ونسأل ربنا بقلوب صافيه يصلح حالنا وحال الخلق تن ... تن شكرا جدا من وجداني وادي سلامي من نن القلب ربنا يبعد عنك هموم الدنيا ويصلح حالك ما تشوفي هم |
رد: تن .. تن .. تن
اقتباس:
ربنا قادر يصلح حالها ويصلح حال جميع الخلق وادي سلامي من وجداني ومن جوف القلب |
رد: تن .. تن .. تن
اقتباس:
شكرا ذوقك ولد العم كنت بقولك ننسى الهم علشان ياما الهم تعبنا خلينا للراحة نضم أحلى جمال في الدنيا نشيلها من راسنا على ايدينا يا عم سيبك من قال إيه وعمل ايه سيبك مين راح ولا ما جاي كلها توها نبعتر ليه أعصابنا عل الفاضي يا باي على رأيك حضر فناجينك وأنا جايالك وبقول فينك نشرب شاي ونخمس فيه أو نشرب نعناع أو بن أو نشرب م الحرف قصايد أجمل شيء في الدنيا الفن استناني أو انت تعالى لو ضاع عنواني راح أجن شكرا عل المجاراه فاجئتني جرت ريق الحرف يا عم منتظرة القاعدة الفنية والورد اما تيجني هشم .. |
رد: تن .. تن .. تن
اقتباس:
يا ما يا حبي سهرت كتير يا ما يا حبي نزلت البير وكل ما أقوم علشان أشرب يقع السطل جو الزير جايز الحظ لسه مجاشي واللي قاعدلي اسمه نكير يوم ما عرفتك جاني بشير أبشر يا ابني وشم عبير ساعة البشرى كنت حطير ورحت أرفرف كالعصافير حتى الفرحة عبت قلبي ورحت في حلمي كسرت الزير ما أنا مستني سنين وسنين أدعي المولى وهو خبير ما أنا غلبان ما عندي ضمير لما الخضرة سبتني وراحت ولما سبتني اتعبى البير كانت عندي كيف أمشير يوم طهقانه . يوم مرضانه يوم فرحانه .... ويوم تقوم كالزعابير أنا مبسوط إني عرفتك بنت الاصل عايزه أمير فأهلا بيك وفوق راسي وجو عنيه وقدام ناسي تشربي شاي والعشوه حدانا ديك محمر بالبرابير أنا منتظرك أوعي تغيبي بس تعالي في حارة الغالي ولما حنقعد وجه لوجه ميه والف هتلاقي كتير |
رد: تن .. تن .. تن
اقتباس:
مالك ايه تعبك يا أمير ايه خلاك في الليل بتطير دا الليل بغيابك له وحشة بتطول ف عنيه المشاوير ايه خلاك من عشك تهرب كنت استنيت العصافير لما الشمس بتنشر نورها لما الورد يندي عبير كان أحسنلك تبقى معاهم وترفرف بجناح وتطير يلا خلاص اهو وقت وعدى ويمكن على ناس عدى بخير كان طيرانك بردو كويس رغم ما كان ف الليل وخطير يلا اهو عدى واديك دلوقت نحمد ربنا لسه بخير وبقالك مدة بتدعيني أنا اجيلك ماشية وعلى عيني بس انا حظي كمان متكعبل واقع سطلي ف أخر الزير وكمان عنوانك بيتوه كام مرة انا اقولك معاذير بصراحة بقولك جيالك واستنى انا جايه وشيلالك وتتوه رجلي ف حادثة سير فتعالى وشيل عني شوية دا انا جايبالك حلة محشي وبطايتين وفراخ برابير دايب سكر ف التخديعة كسرت عليه المقاوير وورق أعناب من حلاوتها تاكل حلة بدون تفكير طب قولي هشيل ولا هركز في العنوان التايه مني بسأل عنو مالوش تفسير وهقولك شكرا من تاني على وصفي العالي المقادير وانا كل ما قدرني وغلى على راسي أشيلو كأمير أنا جاية لكن تيجي تاخدني وببالك على نفسي تدير وموصلاتك سيبها عليا هحاسبها قليل ولا كتير ما انا ياما سنين استنيتك على عهدي والعمر غرير وعلى الشوك انا اصبر نفسي لجل الورد وصبري مرير وعن الناس ياما كنت عشانك عيني قافلها كأني ضرير بستناك علشان توصلي واوصلك ولقانا يصير بستناك من قبل الدنيا ما تعرف شر وتعرف خير المرة دي هاتيجي تاخدني وأزرع في السكة الخاخيل علشان احفظ صوت رنتها واجي لوحدي بدون تبرير لكن لو مش هتيجي تاخدني راح اتوه ف بلادك يا أمير وأسافر والذكرى تاخدني واورث ف البعد المحاذير سيبك م اللي بقولو وقولي صحيح لو جيت هتشم عبير؟؟ واياك تضحك م اللي يقولو وتشبه بيا الزرازير وتستعيل ف القلب طفولو دا عمرو ما صدق اني كبير أه والله الساكنة دي طفلة فيا وعمرها ما تكون غير يلا بسرعة الحفني وقول صحيح لو جيت هتشم عبير بس احذر مني ان شميتها عل العيد بيك راح اضحي واحير لازم تفهم طبعي وطبعي وقت الجد بثور وبغير فمتهزرش ف حاجة تجنن لا تموت نفسك يا أمير .. |
رد: تن .. تن .. تن
ولا كلامك حلو يا حبي
شوقتيني أشد رحالي وأفرد عودي وليك أطير أيا كان الوقت ساعتها حركب قطر أبو المطامير وحسأل عنك كل ما أمشي جايز أوصل قبل منير أصل حكاية كيف حكايتنا عايزه منظم ليه تدبير وهيه خطاوي قدرها المولى جايز عندك ليها مشاوير أما الغاوي يا حبي بينسى وفاكر نفسه بين الخلق خبير لما دعيتك كان من قلبي ولما ناديتك كان من قلبي ولما اسمعتك فرحت كتير خطي برجلك وادي قرار وشوفي السكة ويلا فرار أنا عنواني ما توهشي بعد الترعة وعلى الزراعية تعدي الكبري وتمشي شويه تلاقي نفسيه ماسكه جاموسة ونازله تغني كيف متعوسة ولما تشوفك حتقوم فازعه أحذري منها لما تبوسك وكوني فطينه جايز تدوسك قبل ما اشوفك تبقي طحينه ولا كلامك حلو يا حبي كيف أوصلك وانتي بعيده وبدي أشوفك ومعايا عيدة علشان خاطري قدمي خطوة بكره معادنا بعد الجمعة بعد السكة وعند شديد فاتح مطعم كفته ولحمة والأكل حداه أكل فريد علشان خاطري اقبلي مني وبكره أشوفك عند شديد لو عايزاني بكره أسافر واياك تنسي إني صعيدي ما أحب الزحمة ولا أغوى شريك مع تحياتي القلبية |
رد: تن .. تن .. تن
اقتباس:
|
رد: تن .. تن .. تن
اقتباس:
تبقى تقيله علينا ودسمة ممكن ناخد حاجة خفيفة عل الكوبري والترعة لطيفة نتفرج على وزة بتجري وبتلعب مع قطة أليفة أو نقعد مع ناسك نرغي ونستانس بالناس والزحمة أو نختارلنا شجرة توت نكتب على أوراقها قصايد من أحلامنا عشان ما تموت أو نتكلم م العصرية لحد المغرب من غير صوت علشان متخافش العصافير هنغنيلها بكل سكوت ونقوم نمشي وقبل ما نمشي هنصافح بعضنا ونفوت ها إيه رأيك كلو تمام ؟ وان كنت انت صعيدي أنا بردو بنت بلد زيك أنا شرحو .. هتوافق على قولي يا خال ولا اديلك فرصة تقلب في ظروفك وتشوف الحال ؟ وتخبرني وصلت لإيه وهتقول إيه ف كل الأحوال. .. |
| الساعة الآن 05 : 07 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية