منتديات نور الأدب

حبّك

يـ سمره حبّك مشعّل ضميرو * وبـ حرش الشوق متمرّد عبيرو

قسيني كتير وحياتك خطيّه * وقلبك ليش حاير زمهريرو

موهبتو الوفا اتقل قضيّه * وتا يتمرمر بقلبك أسيرو

رمّدلي ذكايي ولو شويّه * جنوني طيلق بظرفي وعسيرو

زنبق غنجة خدودو الفتيّه * أنعم من الاحساس وحريرو

وبراعم حبّك الغيره الشقيّه * مصيري عمّدت جوّا مصيرو

واطهر من طهارة صدق نيّه * رغم طيشو وجهل نحلو وقفيرو

واصفى من ينابيع المويي * بعبّ الغيم عم يسكب عصيرو

ت يدمع غيم افكارك عليي * زعل لو بدّل شرودي مسيرو

بكّى جروح موّال الخطيّه * بإخلاصو وهمس لوعة سريرو

وصرلو كم سنه بالعنتريّه * خيالي يجلد بعجقة صبيرو

زرع قلبي شتل غصّه وفيّه * ودوّب من ثقل همّي مريرو

لـ عمري حبّك الدافي هويّه * وبيتي صدرك وقلبك مدايي

أميرة شعر عم تغمر أميرو

26.2.2007