|
ألف رحمة يا وطن .. للشاعر // محمد أبو زيد الأسيوطي
ألف رحمة يا وطن ... للشاعر // محمد أبو زيد الأسيوطي ......................... أنت مجنون ولا أهبل شعر إيه ! ما الشعر بطل أنت كاتب إيه ؟ قصيدة روح و شوف حاجة مفيدة الكلام مبقاش بيوصل وان وصل مبقاش يأثر يعني لم الدور وقصر في الحديت أبو زيد أنت عامل فيها فارس ولا حارس للتاريخ أنت فاكر حد حاسس لا يا شيخ روح ونقطنا بسكات الضمير من أصله مات والمشاعر يعني مش محتاجة شاعر تاني يشعل الحماس دانت طيب أنت فاكر أن لسه فينا ناس فيه ضماير لسه حية ولا لسه فيه أمل أنت عايش ويا منا ولا عايش في زحل مكفاياك يا ابني بلاهة الحكاية فضناها والقضية أيوه بعناها وماتت من زمان يعني أقولك أيه ما تفهم إحنا حابين السلام مهما هيحصل لو هياخدوا القدس يا خدوها لو هياخدوا بلادنا عن بكرة أبوها الخلاصة مفيش رجال أو صلاح الدين هيطلع من ظهورنا تاني يسأل أو ينادي للقتال لسه مستني بلال والآذان البطل مات يا ابن عمي واللي جوه في دمي مش دمي مفيش ادني احتمال إحنا شطار في الكلام ايوه بس إنما نشعر نحس مسالة فيها جدال كنا حسينا بوطنا كل يوم ألف انكسار كنا حسينا بغزة في الحصار كنا حسينا الدمار في العراق كنا حسينا بنبينا لما غيرنا ليه أساء كنا حسينا بفقيرنا لما جاع كنا حسينا بوطنا لما ضاع كنا حسينا وكنا ما كفياك بطل صداع الضمير مات واندفن روح وصحية م الكفن والقلوب صابها العفن ألف رحمة يا وطن كنت رافض الضياع شكرا لكم تحياتي // الشاعر / محمد أبو زيد الاسيوطي |
رد: ألف رحمة يا وطن .. للشاعر // محمد أبو زيد الأسيوطي
ألف رحمة يا وطن , وألف نور عليك يا سيدي
ألف شكر لك على مرارة تحولت إلى أعذب الكلام ــ ولو إنو ما بقاش فيه كلام ــ ألف انحناءة مني إلى شخصكم الكريم أيها الشاعر في زمن ضاع فيه الوطن وضاع الشعر . حسن الحاجبي |
رد: ألف رحمة يا وطن .. للشاعر // محمد أبو زيد الأسيوطي
شكرا جزيلا للاستاذ / حسن العجايبي علي هذا الرد المتميز http://www.nooreladab.com/vb/imgcache/1023.imgcache.jpg |
رد: ألف رحمة يا وطن .. للشاعر // محمد أبو زيد الأسيوطي
أخي محمد
إبداعك يأخذنا إلى واقعنا الأليم ثم يعود بنا إلى الحلم النائم في دواخلنا بأخذنا من أقصى الشمال لأقصى اليمين بوركت أخي ولكن بارقة أمل في غد مشرق تجعل الشعر أحلى |
رد: ألف رحمة يا وطن .. للشاعر // محمد أبو زيد الأسيوطي
أخي محمد
إبداعك يأخذنا إلى واقعنا الأليم ثم يعود بنا إلى الحلم النائم في دواخلنا بأخذنا من أقصى الشمال لأقصى اليمين بوركت أخي ولكن بارقة أمل في غد مشرق تجعل الشعر أحلى |
| الساعة الآن 46 : 07 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية