|
معتقدات شامية
معتقدات شاميه * اذا انكسرت كاسة بيقولوا: انكسر الشر (تقولوا الشر مخلوق من الزجاج) * اذا مر حدا فوق الطفل ما بقا يطول ( انو اذا طفل صغير متسطّح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية) * قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص ) * مراششة الميه فراق (ما بصير حدا يرش رفيقو بالمي لان بعدين بيتفرقوا اي شو عم يرشه بالزيت كاز ) * للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين (واللي بيعمل غير هيك بيتحول لسعدان !!) * اذا اجت الكندرة فوق الكندرة يعني رايحين مشوار (واذا اجت تحتها يعني راجعين من المشوار ؟؟!!) * اذا زحف الولد او زقزقت العصافير معناها جاينا ضيوف (وبهيك حالة لازم توقفوا ورى الباب لانهم بكونوا طالعين عالدرج) *اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل (واذا طنوا مع بعض معناتها طرشت عليك العوض) * اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا * اذا رفت عيني اليمين بيكون جاينا خبر طريف *اذا رفت عيني الشمال بيكون جاينا خبر مو منيح(اما اذا رفوا سوى فأنت اكيد احول) * اذا حكني حاجبي معناها بدنا نستقبل حدا جاي من السفر *إذا حكني كفي اليمين معناها بدي أقبض مصاري *و إذا حكني كفي اليسار معناها بدي أدفع مصاري (اما اذا حكك شي تاني بقى فأنت اكيد جربان روح تحمم) * و ما بصير الحمام بالليل (طبعا شي بديهي لأن اكيد المي بتكون مقطوعة) *و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن) بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!! *واذا شفت مقص مفتوح لازم فورا تسكرو ( لانو المقص الفاتح تمو بيعمل خناق ) *وإذا عمل العصفور تحتو على الأواعي يعني جاييكون رزقة (وما لازم تغسل ملابسك شي سنة مشان الرزقة) *و دلق القهوة رزقة وكمان نفس الحكي خليها مدلوقة لا تمسحها *و شرب المي بعد القهوة قلة زوء (حتى لو اتشردقت موت ولا تشرب مي ) *و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه بس ابصر شو ؟؟؟!!! * كمان يلي حامل بصبي بتتباشع واذا حامل ببنت بتحلا * وإذا الطفل قعد بالصينية وهي عالأرض بيرتعبوا لأنه هاد الولد رح يضيع (ويمكن يتشرد هاد اذا ما طلع حرامي كمان ) * و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص *واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة (بس اكيد في عالم اذا بتقرأ القرأن كله بيضلوا لزقة فلا تحاول) *واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ... وفي حل تاني انك تروح تشيل عيونه وبلا وجعة هالراس *والي بيعدّ النجوم بيطلعلو تالولات بايدو (بس اذا حسن يحصيهم ما بيطلع شي) *وبعد ما نخلص صلاة نطوي السجادة مشان الشيطان ما يصلي عليها (خلّيه يصلّي بركدن يتوب ويصير يوسوسلنا بالخير!!) |
رد: معتقدات شامية
[align=center][table1="width:100%;"][cell="filter:;"][align=justify]
ههههههه الله يرحمك يا ظريفة تعيشي وتاخدي عمرها كيف بدك تاخدي عمرها ما تسألي؟! لا أنا بعرف ولا أنت ولا حتى الذي اخترعها ولكن هذه أيضاً من المعتقدات الشعبية التي تقال في بلاد الشام غاليتي أستاذة ناهد حقيقة ضحكت من قلبي وأنا أقرأ وإن اختلفت اللهجة قليلا التي كتبتِ بها من حيث الاختلاف البسط بين اللهجة السورية عن اللبنانية، وتجسدت أمامي صورة مربيتي ظريفة رحمة الله عليها وهي تعنفني إن تركت المقص مفتوح " لأنه يجلب الشر " وإن تركت سجادة الصلاة حتى لا يصلي عليها الشيطان، أما قلب الحذاء على نعله فهو والعياذ بالله من الكبائر عندها، وقص الأظافر ليلا أو يوم الأربعاء لا يجوز ولا تقص الأظافر إلا يوم جمعة وللتشاؤم من يوم الأربعاء قصص وحكايا في الذاكرة الشعبية فكثير من النساء كنّ لا يقمن بعمل يوم الأربعاء خوفاً من شره. ومن الأقوال الشعبية المأثورة: " إذا رفّت عين اليمين جمع محبين وعين الشمال جمع مال " أو " عين اليمين خيرٌ عظيم وعين الشمال شرٌ مقيم " وللضيف الثقيل أيضاً من العادات أن توضع مقشة تنظيف الأرض بشكل عامودي حتى يرحل وإذا لم يرحل يأتوا بوعاء مملوء بالماء ويصب على الأرض دفعة واحدة وهذا دعوة للضيف كي يرحل والاستعجال بتقديم القهوة عند البعض دعوة لتقصير الزيارة لذا فالبعض يستدرك أحياناً لو وصل أحد الضيوف متأخراً عن باقي الضيوف وقدمت القهوة يقال له: " هذه قهوة أهلا وسهلا " وعلى ذكر الضيف الثقيل والقهوة أيضاً إليك هذه الطرفةالقديمة ولعلك تعرفينها: " كان لرجل زوجة ثقيلة الظل تطيل المقام حين تزور الناس ساعات وكان زوجها ينصحها بالتخفيف على الناس وهي تصر أنها لا تنتبه ولا تحس بطول الوقت الذي تمضيه فاتفق معها ذات مرة أ ما أن يقدمون لها القهوة وتحتسيها تستأذن وتعود إلى البيت، وعاد إلى البيت مساءاً ووجد أن زوجته لم تعد بعد إلى أن شعر بالنعاس ونام وفي صباح اليوم التالي قبل أن يغادر لعمله مباشرة عادت زوجته من زيارتها فانفجر بها غاضباً وهو يقول: ألم أقل لك خففي على الناس وما أن تحتسي القهوة تنهي زيارتك وتعودي إلى البيت أجابته ببرود مستغربة: بقيت جالسة عندهم طوال ما بعد الظهر والسهرة حتى تأخر الوقت ولم يقدموا لي فنجال قهوة فاضطررت للمبيت عندهم وفي الصباح صنعوا القهوة وقدموا لي فنجالاً فاحتسيته واستأذنت فورا كما وعدتك " [/align][/cell][/table1][/align] |
رد: معتقدات شامية
الأستاذة الحبيبة هدى / حفظك الله من كل مكروه وعين حاسد إذا حسد أولاً أقول رحم الله مربيتك ظريفة وأدخلها جنات الخلد أما بالنسبة"]كيف بدك تاخدي عمرها ما تسألي؟! [coلا أنا بعرف ولا أنت ولا حتى الذي اخترعها ولكن هذه أيضاً من المعتقدات الشعبية التي تقال في بلاد الشام حبيبتي فعلاً ما قلتيه هو متداول بين أهل الشام ولكن هذا التداول لا يوجد فيه من الصحة ما يقال حيث الأعمار بيد الله والله سبحانه وتعالى لا ياخد من عمر شخص ويعطيه لشخص آخر فكل إنسان له أجل سبحان الله ( لكن كما قلت معتقدات ) وأضافتك وتوضيحك لبعض المعتقدات زادت هذه المعتقدات وضوحاً أما عن الطرفة التي وضعتيها حقاً إنها جميلة وصدقي ليس مبالغ فيها أبداً دمت ودام حضورك الذي لا أستغني عنه أبداً |
رد: معتقدات شامية
الأستاذة الفاضلة : كم جميل مابحتي به عن شامنا فعلا ضحكتيني من كل قلبي .. أعذريني على العامية .. بس بدي حاكيكي بالشامي عنجد نحنا هيك بنحكي .. وجايبة كلمات قديمة كتير تسلم الايادي عزيزتي |
رد: معتقدات شامية
ههههههههههههههههه
والله صحيح هيك بيحكوا وعجبتني اذا رفت عيني الشمال بيكون جاينا خبر مو منيح(اما اذا رفوا سوى فأنت اكيد احول) آل أحول آل هههههههه وقصة الكاسه والولد حتى القهوة و شرب المي بعد القهوة قلة زوء (حتى لو اتشردقت موت ولا تشرب مي ) صارت معي كانت القهوة مرة مرة كتير واختنئت ما اقدرت أشربها وأدور عند الناس على مي لبعد دقيقتين جابولي مي بعد ما دمعت عيوني وصار وجي احمر جابولي مي من وقتها ما عاد اشرب قهوة عند حدا لو شو ما صار هههههههههههه أستاذة ناهد أنا بحبك كتير وبحب مواضيعك الطيبة دمت يا الغلا بالف خير وحفظ الله تعالى |
رد: معتقدات شامية
هههه فريد و مميز مأأدرجت حفظك الله حاجة ناهد ,
حقيقة هناك تشابه مع بعض المعتقدات المغربية الطريفة. لك تحيتي |
رد: معتقدات شامية
شكراً ايناس لمرورك لأنه اسعدني كثيراً
لكن أين أنت الآن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟ظ ؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ |
رد: معتقدات شامية
عزيزتي رولا
شكراً لك لهذا الكلام الجميل أحبك الله كما أحببتني فيه ضحكتيني من قلبي لاضافتك عن القهوة والماء أضحك الله أضراسك وجعل ايامك كلها سعادة دمت بخير |
رد: معتقدات شامية
شكراً لمرورك عزيزتي نصيرة
وأتمنى أن تضعين لنا من بعض المعتقدات المغربية دمت بخير |
| الساعة الآن 27 : 04 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية