منتديات نور الأدب - يكفي إنه إبن أمـــي .. ضياء الدين البري

منتديات نور الأدب (https://www.nooreladab.com/index.php)

- فضاءات الزاجل والنبطي والشعبي (https://www.nooreladab.com/forumdisplay.php?f=56)

- - يكفي إنه إبن أمـــي .. ضياء الدين البري (https://www.nooreladab.com/showthread.php?t=16342)

يكفي إنه إبن أمـــي .. ضياء الدين البري

يكفي إنه إبن أمي

...........

ليه يا أمي بتسأليني
ناسيه إن دمي عربي
والأفارقه ولـْـد عمــّي
شوفت حزني
ودمع عيني
حسره ساكنه جوّ قلبي
لما زاد ف الدنيا همــّي
لما نسيوا الإخوه جيني
يومها يا مّـه عشت غلبي
لما زادوا كتير ف ذمـّي
والشيطان فكــّر يجيني
فكره هاقدر أنسي حبي
لابن خالي ، وابن عمّي
جاب لي حيره
زاد أنيني
وف ضميري ، هُــمّ شعبي
هــمّ سعدي
هــُمّ حلمي
نبض قلبي يروح وجيني
جاب نسيم الحب غربي
وف عروقهم يجري دمي
وف آهات الليل تجيني
شمسهم ، وتشد صلبي
يامّه زيدي كتير وضمي
م المحبه يزيد حنيني
نفسي الاقي اخويا جانبي
عمره ف يوم مايرضي ظلمي
صورته يا مّـه فوق جبيني
إن نسيته ، يبقي ذنبي
وان عصاني
بزيد ف غمي
إن لقيته ف يوم نسيني
برضه هادعي ف يوم لربي
يزيد وبارك ف ابن عمي
ماتش كوره مش عريني
وليه نقول انه غدر بي
يكفي إنه ، إبن أمي

أشكركم
وللجميع تحياتي

رد: يكفي إنه إبن أمـــي .. ضياء الدين البري

السلام عليكم ورحمة الله وبركاته
زجلية جميلة أخي ضياء الدين البري ...
تقبل تحيات أخيك

رد: يكفي إنه إبن أمـــي .. ضياء الدين البري

السلام عليكم .. مجرد رأي
كلام من قلبي
أخي الفاضل .. الأستاذ عادل سلطاني
احترامي وتقديري

دائما تسعدني بمرورك علي كلماتي
ودائما أنتظر ه
كل الشكر أخي الفاضل
وللجميع تحياتي