|
ولسـّه عايزه تفهمي ..؟ ضياء الدين البري
السلام عليكم .. مجرد رأي
كلام من قلبي ولسـّه عايزه تفهمي ..؟ ......... الحلم ضاع..؟ واللا انتي لسه بتحلمي ..؟ غيط السنابل لو يرتوي يطرح أمل ..؟ جراحه ممكن تلتئم ..؟ عيونه ترجع تترسم ..؟ ولسّـه عايزه تفهمي ..؟ طب حاولي يمكن تقدري علي نبض إبنك دوّري جايز تلاقي شبْـه ضي بصي فْ عنيه ، تلقي الهمم دايره تعاديه روحي اندهيه ، يمكن يكون ع الشط مالحقش الغرق ساكن في حلمه اللي اتشنق وسط الغلابه مليان كآبه حابسين سكوت جوّاه ملل سر الحياه ، في صبرهم الجوع بيضرب ع الدفوف لحن الوفا حر العطش ، طارح دفا مرسوم علي بطونهم تابوت أو شبه صوره ع الجدار باقي الكلام ، باين خطوط ودموع تلالي وتبتسم ونجوم بتهرب جوّا ليل الفقر طاوي الدنيا طي مسعور وناوي يلمـّهم لكن صمود الصبر حيْ يكوي قلوب الشرْ كيْ اللي بتاجروا في الضياع عاملين ديابه شيء من زمان زارعين عقارب سُمّهم جوّا الميدان وكتير ضحايا لحلمهم ويقولوا عنهم دول رعاع إكمنهم بيخافوا دايما ربهم وفْ حبهم ، مالهومش زي عايشين يصونوا أمّـهم ولسّـه عايزه تفهمي ..؟ طب دوَّري لو تقدري يمكن تشوفي الطير طشاش يحلم وحلمه طار مجاش ريشه اتنتف ، عملوه بخور جوّا القفص ، حر وطليق مايهمه ليل ، أوحتي ريح يمكن في بكره يلمح شعاع أو شبه نور ، يعلن نهار عاش السنين ، ساكن في غار يمكن حزين علشان أحبّـه الدنيا قاسيه وغرّبتهم وعشان حبايب أمهم شاربه الجوارح دمهم جوَّعتهم سممتهم والضَّحيه كان فقير ولسّـه عايزه تفهمي ..؟ دوَّري لو تقدري بين الحياري عايشين سكاري جوّا الحواري والكهوف طول عمرهم ، ماعرفوا خوف بس جوَّاهم حزين داخل نفوسهم مسجونين طب هايجي النور منين ..؟ حتي الفقر هرب م الخوف والصبر حداهم شيء مألوف ولسّـه عايزه تفهمي ..؟ دوَّري لوتقدري تحت أطلال الضلال وسط الصحاري في البراري أو في وديان الجبال فعل ماضي أو مضارع أو بالأمر نكون أموات كتير بشر تحت الحَجَـر عايشين رفات أو تحت أكوام الحياه أو في أحشاء ، .... انسعر ولسّـه عايزه تفهمي ..؟ دوَّري لو تقدري يمكن أكون عنوان وتاه من غير دليل يمكن خيال أو شيء محال يمكن شوية م القليل أو أنِّةْ ساكنه جوه ليل آه بتزعق ف السكون أو أو دمعة ساكنه فْ عين صبيه علشان أكيد هيّ الضحيه مات الأمل بين الجفون ولسّـه عايزه تفهمي ..؟ دوّري لو تقدري قولي يارب مدّي إديكي وابدري حبة تقاوي مسيرها يوم تطرح حكاوي من بين حروفها يتولد قارب نجاه يقدر يجدف في الحياه ربك وعدْنا وبكره تشوف بس نؤدي صوم وصلاه جوّا قلوبنا مايسكن خوف أشكر ربك جل علاه .............. أشكركم وكل عام والجميع بخير |
رد: ولسـّه عايزه تفهمي ..؟ ضياء الدين البري
السلام عليكم ورحمة الله تعالى وبركاته
جميلة زجليتك الحكمية الجميلة الرائعة وقلبك الشاعر ينحت الفقر والحزن والجوع وينحت الصبر ويختم هذه الزجلية بزرع بذور التقوى لتنبت حكايا الصبر والإحتساب والإيمان .. جميلة هديتك للمساكين المعذبين في الأرض أم الإنسان في المطلق تحياتي لقلبك الشاعر أيها الزجال المبدع معانق الكادحين دمت سندا للفقير أيها القلب الطيب " ضياء الدين البري " |
رد: ولسـّه عايزه تفهمي ..؟ ضياء الدين البري
اقتباس:
السلام عليكم .. مجرد رأي كلام من قلبي أخي الفاضل الأستاذ / عادل سلطاني احترامي وتقديري وأشكرك اخي الحبيب ، علي تواجد دائما علي كلماتي ، وإضاءت صفحتي بتعليقاتك الراقيه ، واعتذر لك دائما علي التأخير في الردود ، فكثيرا لم يحالفني الحظ بالتواجد المستمر ، كثيرا أشكرك وللجميع تحياتي |
| الساعة الآن 50 : 01 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية