خايفة لبكرة يجي ومتكنش فيه..
وملقاش لقلبي أي ضِلّاية تواسيه..
وأقضي عمري ف انتظار
لهفة معجونة بمرار..
وأقول يا مين أشكيله قسوة غربتي
هيجي مين يداوي آهة دمعتي
رحت...جيت...دي قسمتي
مشوار ألم وغصب عني هكمله
حزن اتولد....ومين ياناس يتحمله
أنا ألف صرخة بتتكتم جوه السكات
أنا ليل طويل مُنتظِر....لحظة ميلاد
معرفش ليه أنا اتنفيت عن دنيتي
فاقدة الزمن..ناسية ملامح سكتي
وبسأل الخطاوي..فين ونيس رحلتي؟؟
قالولي..تايه بين جبال الوهم
عايش ف الضياع..
بينه وبينك ألف باب مقفولين بالوداع
ومتحلميش ف يوم بالسعادة واللقا
ومترسميش ف الخيال أمنيات متزوقة
أنا ذنبي إيه؟!
والقدر كتبه على جبيني الحبيب
أنا ذنبي إيه؟!
مبقتش قادرة ف يوم عني يغيب
روحوا قولوله..
إن لينا معاد مع القدر
وانه آخر ترحالي والسفر
وابعتولي قلبه أهمسله بكلمتين
وأقوله إن حكايتنا غير حكاية أي اتنين
لو طلب مني حياتي..مش كتير عليه
مبقتش خايفة أنجرح..قد ما انا خايفة عليه
قولوله..إني حاسة بيه
أيوة أنا حاسة بيه
أنا كل ثانية ف عمري..بتناديه
وقولوله..إني عايشة ليه
أيوة أنا عايشة ليه..

أستاذتي الفاضلة..نصيرة تختوخ

نثرتِ الجمال في صفحتي المتواضعة

لكِ باقات شكرٍ وامتنان..وتحية بعطر الكنانة

الشاعر القدير عادل سلطاني..

أشكرك شكرا جزيلا على هذا التقدير

أسعدتني كثيرا زيارتك الكريمة

احترامي وتقديري..وتحية بعطر الكنانة

أقدِّر لك ثقتك الغالية أيها الطبيب،

وأتمنى أن أكون دائماً عند حسن الظن

لإطلالتك تحية مضمّخة بعبير الجوري..

إحترامي وتقديري..