منتديات نور الأدب

حلمي في اليقضة والمنام
حلمي تزيان ليام
إيعم السلام
انشوف الفرحة والابتسام
في وجوه أطفال كل العالم
إيكف الدم
وانحسوا بالندم
على الأرواح اللي ضاعت
أو خلات ضحايا وأيتام
تتجرع كل أنواع الآلام
حلمي ما نبقاوا
نسمعوا وعود وكلام
مل نبقاوا نتسناوا على الدوام
كلام خاوي وكلو أوهام
شيء لازم تعرفوا أنو كثير هام
نوضعوا يد في يد
ونزيدوا القدام
نتحداوا كل جبار هدام
انعيدوا مجد أمتنا
وانتشبتوا بالإسلام
عار عار يا مسلمين
صبحت عيونكم معميين
تشوفوا صبايا مرميين
إحساسكم اصبح كأنكم ميتين
حلمي نشوفكم عربان مشجعين
تناديوا بالحق
وتهاجموا الطاغين
ما ترضاوا بالدل
وترفعوا راية المسلمين
وهذا ما فيه شك
إلى تبعتوا العقيدة والدين.
فتيحة الدرابي