منتديات نور الأدب

يا ولد اليوم
اتهلى في الأم
هي اللي للدنيا جابتك
هي اللي كثير صهرات على شانك
هي ارحى على الدوام الدور
باش انت اتشوف النور
هي اتحملات لكثير
باش تكبر وتصير
راجل مقتدر
هي الدفء والحنان
ملي تخطى عاد إيبان
هي شمعة التذوب
باش اتحقق لك المطلوب
عنداك لما هي تكبر ويبانوا فيها لعيوب
عنداك اعليها تغيب
وتشغلك ليام آلحبيب
وتخلي الشوق يضنيها
والدموع تعمي عينيها
نوصيك لميمة لا اتفرط فيها
الدنيا كلها ما اتعوضك اعليها
اغمرها بالحنان
اللي اعطاتو ليك ازمان
أو بلا تطلب أي ثمن
عملاتو أو قلبها فرحان
أملها تشوف أحسن إنسان
تفتاخر بيك قدام اجماعة والنسوان
لا اتحطم أمل بنات فيه سنين
وتخليها أم عايشة بقلب احزين
نوصيك آولدي لأمك تلين
واعليها تكون حنين
وإنشاء الله اتخلف بنات وبنين
واللي ازرعتيه اتحصدو بعد اسنين
اسمع لوصية وكون إنسان ارزين.
الدرابي فتيحة