منتديات نور الأدب - ارجوعنا للثراب

كل شيء من الثراب رجوعو للثراب
لا تسبب لنفسك في لعذاب
كيف تبكي على شيء منك امشى
وانت يا مالك الشيء،
في الدنيا ما غاد تبقى
اللي امشى امشى
وانت يا مالك،
تحت الثراب غادي ترشى
يا كلك الدود وتفنى
وتبقى سيرتك مجرد ذكرى
يمكن إيتذكروك ويمكن التنسى
لا تلوم حالك وافرح بللي عندك ابقى
يبارك لك الله فيه،
ومن عذاب النفس تنجا
النفس أمارة بالسوء ، والدنيا دار لبلى
ويلا تبعتيها اتسبب ليك في الشقى
خلي الأمر للواحد القهار،
هو إيهون كل الأقدار
قادر إيزيل كل الأكدار
طبع الزمان باختصار
واخ تكون مسالم هو غدار
إيدخلك في دوامة ،
يهرب ويخليك محتار
قساوة الزمان علمتني نكون صبار
نتوجه لله الستار،
ونكتر لو من الاستغفار
انرفه على نفسي بالأسفار
ننسى الماضي ونتحدى كل الأخطار
نركب مركب ونخوض لبحار.