|
من مرمر يوسف
مساء النصر .... مساء الحرية .... مساء الجمال إخوانى وأخواتى الكرام
أنا عارفة إنى إتأخرت عليكم شوية وحشتونى ومن هذا المنتدى العظيم بمن فيه من إخوه وأخوات أتقدم بكل الشكر لكل من ساهم فى فرحتنا فرحة مصر أمنا الحبيبة عايزة أقدم لكم هذه الكلمات النابعة من القلب وذلك تأثرا بالأحداث الأخيرة . مصر ****** مصر يا حبيبة لكل ولادك قريبة طول عمرك حمولة فى كل وقت فرحانة أو حزينة عارفة إنك مش مصدقة مستغربة إن فيك ناس مبلطجة عطيتىلهم الأمن والأمان والجاه والسلطان لكنهم نسوا حضنك الدافى اللى ضمهم بكل حنان واتعربدوا وإتزندقوا و عاثوا فى الأرض الفساد نسوا ربهم وتضحيتك من أجلهم وضروك وضروا العباد لكن يامصر ما تزعليش مايهمكيش دول كلهم خفافيش دا إنت عندك ولاد جدعان حيحموكى فى كل أوان بدمهم بجهدهم بعلمهم حيرفعوك فى كل زمان قالوا عليهم عيال خيخة ما يساووش بطيخة لكنهم ثبتوا وجودهم وقطعوا وأكلوا البطيخة طلعوا يوم 25 ينادوا بكل سلم هتفوا من القلب فاليسقط الظلم الظلم كان قوى هجم عليهم كالجحش صمموا على رأيهم وكانوا لهم كالوحش ويوم ورايوم وانزاحت يا مصر الغمة وده كان بفعل هذه الأمة أمتك يا مصر وعلا صوت الحق واتلعلع بفضل ربنا وولادك وشعبك المجدع تمنياتى لكم بالتوفيق أختكم / مرمر يوسف |
رد: من مرمر يوسف
[align=center][table1="width:95%;"][cell="filter:;"][align=center]كل الخير والنماء نتمناه لمصر.
دمت بخير أستاذة مرمر.[/align][/cell][/table1][/align] |
رد: من مرمر يوسف
دعواتنا لمصر بأن يحمي الله أمنها وأمانها وأن تظل مرآة العروبة وقلبها النابض شكراا لك |
| الساعة الآن 16 : 12 AM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية