منتديات نور الأدب - موال فلسطيني مصري.أحمد فؤاد نجم

[align=center][table1="width:95%;background-color:black;border:8px inset red;"][cell="filter:;"][align=center]يامه مويل الهوي
يامه موايليا
طعن الخناجر ولا
حكم الخسيس فيا
الصبر حلم العواجز
يطرح زهور الأماني
والقهر عدى الحواجز
وأنا إللي واقف مكانى
شايف غيطان البشاير
خايف . وكانن إديا
حتى الحمام إللي طاير
ما رضيش يرفرف عليا
يامه مويل الهوي
يامه مويليا
طعن الخناجر ولا
حكم الخسيس فيا

سألت شيخ الطريقه
ما رضيش يجاوب سؤالي
ودارى عني الحقيقه
وفاتني حاير ف حالي
سألت شيخ الأطبا
دوا الجرح إللي بيا
نظر لي
نظره محبه
وقال دوايا بايديا
يامه مويل الهوي
يامه مويليا
طعن الخناجر ولا
حكم الخسيس فيا

يامصر
وإنتي الحبيبة
وإنتي اغترابي وشقايا
وإنتي الجراح الرهيبه
وإنتي إللي
عندك دوايا

علمني حبك عباره
سهله
وبسيطه
وعفيه
شرط المحبه الجسارة
شرع القلوب الوفية
يامه مويل الهوي
يامه مويليا
طعن الخناجر
ولا
حكم الخسيس فيا [/align][/cell][/table1][/align]