منتديات نور الأدب

زهقان..طهقان..مس طايق نفسى
اف..اف.. اعوز بالله.
فيه ايه بتشتكى من ايه
دماغى مصدعة ومش قادر اتحملها...
من ايه
البيت والعيال والمدارس ومرايل المدارس
والكراريس والكتب الاجنبية الملخصات..والدروس
غير مصاريف المدارس والدروس الخصوصية
غير الايجار والديون
ديون كتيرة
متلتلة
خذلك سلفة من الخزنة
اخذت ولسه ما سددتهاش
اعملك قرض من البنك
عملت قرضين وبتخصم من مرتبى القسط الشهرى للبنكين
ماعندكش جاجة تتصرف فيها
دهب الولية من زمان... بعته وانصرف
ماعندكش حتة ارض او بيت تستغنى غنه وتفك بيه زنقتك
يا ريت يا خوى...انما زى ماانت شايف ...
انا كل ما اقلك على حل تقفله
ابدا هيه اللى مقفولة
طب اسمع روح اشربلك حجرين معسل يمكن تلاقى حل
شربت لما انكفيت...
طب قوم امشى لك شوية فك نفسك
ما اقدرش امشى رجلى بتوجعنى
خلاص ما فيش غير حل واحد
ايه هوه الحقنى بيه..
روح اشرب من البحر
هيه ..رحت اشربه لقيت مش عارف مين شربه قبلى
كلماتى وبقلمى
محمد جادالله محمد الفحل