|
خاطرة من الزجل المغربي بعنوان : " رد على : هذا ما تقدر وكتاب علي "
المكتــــــــــــــــــــــــــــاب . اللي كتاب عليك كتاب علي هجرني ومشى وفرط في نسى العشرة نسى الاولاد نسى العاهد نسى التضحية الاولاد يكولوا فين بويا الاهل يسولوا علاش غاب علي كنا احباب عشنا اصحاب قضينا ايام وليالي هنية فرمشة عين تقدر المكتاب وحكم الله بالفراق علي فراقوا كاس شربتو اذية صبرت قلبي علمتوا النسيان وحرت فالاولاد الاعزاز علي الصغير يبكي عند الباب محتار الكبير غضبان راد اللومة لي آش عملت من ذنب كان لي اسباب؟ آش قلت من كلام تحسب علي ؟ لابيدي لا برجلي سطرت المكتاب هاذي غير لعبة وتلعبت بي سبابي بنت ضايعة بلا احباب خطفاتو، داتو، كلعاتو لي لقى فيها غرضو لقى كل ما طلب لقى ما بغى فيها وعز علي سقاتو بيديها كيسان باش غاب وكلاتو بيديها القطعة مسقية نساتو اولادو ونساتو الحباب وبنتو اللي مسميها ضو عيني عدت عندو ماضي نقص من لحساب واصبحوا اولادو في روضة منسية سقسيت، سولت، قليت الآداب وكان جوابو قاسح : ا انت مازال بلدية كمدت جرحي وسديت الباب وجمعت اولادي دورتهم بي حاولت نكون ليهم الأم والأب حاولت نفديهم بضو عيني نستغفر الله لا نكون كذاب هذي غير فكرة وخطرات لي عاشتها النسا بلا حساب وكتبتها انا فحلة وردية باش يستافدوا منها اصحاب العقول والالباب باش تكون موعظة لكل ولية رافعة كفوفي لرب العباد يستر عيبي ويسترني من كل بلية هو العالي هو الكريم التواب يغفر ذنبي وزلة لساني وسلامي نهيبو لكل بعاد وقراب ونقول هذه للزجال هدية . كلمـــــــات : الأستاذة سلوى بنموسى |
| الساعة الآن 40 : 08 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية