|
ميسو وكاتي والعربي الواتي!
ميسو وكاتي والعربي الواتي!
بقلم علاء زايد فارس https://scontent-frt3-1.xx.fbcdn.net...ca&oe=59D0ED35 ميسو: تفتكري يا حبيبتي يا كاتي ممكن حبنا يصمد ويدوم للأبد واحنا أعداء بالفطرة، ولا مرة حلاقيني في كرشك من جوة وانا مش واخد بالي ! كاتي: أيوة يا حبيبي يا ميسو، إزا كنت مش مسدء بص لليابان وأمريكا بعد الحرب العالمية الثانية بقو زي السمن عالعسل يا عسل، أقولك بص للدول العربية واسرائيل حتعرف يا حياتي إن المستحيل ممكن يبقى حقيقة ! ميسو: لا لا عرب ايه واسرائيل ايه...انتي بديتي تلعبي بديلك ولا ايه؟! خلينا عاليابان وأمريكا أحسن! كاتي : ليه يا حياتي ؟؟! ميسو: الدول العربية بقت في كرش أمريكا واسرائيل، وأنا مش عاوز أبقى في كرشك ، أنا بحبك أوي يا كاتي وعاوز أبقى في قلبك يا روحي! واخدة بالك ...في قلبك مش في كرشك! كاتي: خلاص فتحتلك بقي ادخل في بقي ودور على قلبي براحتك.. ميسو : هههه إنتي عاوزة تاكليني ولا ايه يا حبيبتي! إنتي ساقطة في العلوم يا روحي؟! قلبك يا كاتي يعني البطين والأذين والأوردة والشرايين، يعني الجهاز الدوري الدموي مش الجهاز الهضمي! كاتي: ايه ده إنتا بتكلمني كدة ليه، إنتا شارب حاجة يا ميسو؟! ميسو: لعلمك بقى أنا دكتور سنان وممكن أخلعلك سنانك كلها وتبقي هتمة ! كاتي : ايه يا حبيبي، قلبت عليَّ كدة ليه؟ ميسو: لأنك بتعامليني كأني عربي جحش رمى نفسه وأهله ووطنه في بق اسرائيل وأمريكا! كاتي: خلاص يا حبيبي متزعلش نفسك، اعتبر نفسك اليابان وأنا أمريكا... ميسو: أيوة كدة يا حبيبتي نبقى سمن عالباتنجان الإسود! قصدي سمن على عسل... قشطة يا كاتي..يا كل حياتي... 27/6/2017م |
رد: ميسو وكاتي والعربي الواتي!
وحشنا قلمك الساخر يا أ.علاء
ابق على تواصل كُل ما سمحت لك الكهربا بانتظارك مع التحية |
رد: ميسو وكاتي والعربي الواتي!
اقتباس:
إن شاء الله سيطرأ تحسن على الكهرباء نتمنى أن تخدمنا الظروف المادية والمعيشية والنفسية للعودة بشكل أفضل إن شاء الله تحياتي لك وشكراً على لطفك وذوقك |
| الساعة الآن 50 : 12 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية