|
غزل شامي .. ( ياهيك الغزل .. يا بلا )
غزل شامي :sm212: [align=center] بحبك حب الشباك ... للبرداية [align=center] بحبك حب الأرنبيط ... للكوساية بحبك حب الشلمونة ... للكولاية بحبك حب الطشط ... للكبجاية يا ريت تكوني شخبرة ... وكون أنا المحاية يا ريت تكوني بريات ... وكون أنا البراية يا ريت ما تحطيلي زء ... لما بكون جاية بحبك حب المألمة ... للشنتاية يا ريت تكوني عوجا ... وكون أنا العرباية يا ريت تكوني طربيزة ... وكون أنا كنباية يا مدلوئة حياتي .. وشعيبيات عمري .. ووربات بئشطة روحي .. يا أحلى زبدية محلاية بحبك حب الريموت ... للتلفزيون بحبك حب درفة الباب ... للمندلون بحبك حب بنت أخي الفصعونة ... لسبيس تون بحبك حب أبو السوم ... للطابة بحبك اذا كنت متنحة ... أو حبابة بحبك حتى لو كان صوتك ... متل موتور الدبابة سمعيني شوي لحتى احكيلك ... هالقصة ياريت تكوني حنفية مي عم تشرشر ... وأنا بعصّا انشالله ما يبلا هالطول ... متل عرق الفصّة ياريت تكون معي هيكة كمشة بزر وأعطيكي نصّا بحبك حب منير الجبّان ... لكلمة صباح الخير بحبك حب جهاد سعد ... لبرنامج خبرني يا طير لك بتسدقي ؟؟ بحبك حب جورج بوش ... لتوني بلير بحبك حب الآرمة للعامود بحبك حب الزلائط للمعود بحبك حب السعادين للقرود بحبك اذا كنتي ساكتة ... أو عم تحاكينا بحبك حب ابن أخي الفصعون ... لبوظة كارينا بحبك حب البردآن ... للكرمنتينا بقى حاجة ... جننتينا . شـــــــــو رأيكم ......... دام فضلكم ..؟؟؟ عندي حق قول يا هيك الغزل .. يا بلا .. صح ؟؟:sm4::sm237: أختكم شـــــــــــام:sm97: [/align] |
رد: غزل شامي .. ( ياهيك الغزل .. يا بلا )
من ناحية معك حق .... طبعاً معك حق .... أنا متأكد من موضوع أساسي ورئيسي هو التالي: لم يفهم أحد هذا الغزل إلا أهل الشام وبالتحديد هذه الجملة:
يا مدلوئة حياتي .. وشعيبيات عمري .. ووربات بئشطة روحي .. يا أحلى زبدية محلاية:sm239: يسلمووووووووووووووووووووووووووووووووووووووووو ووا أختي :sm258: |
رد: غزل شامي .. ( ياهيك الغزل .. يا بلا )
ههههههههههههههههههههههههههههههههههههههههههه
يا هيك الغزل يابلاااا عنجد غزل بجنن وخاصة الي قالها كنان يسلموايديكي شامووو على الغزل هاد تقبل مروري اخوكي محمد :sm3: |
رد: غزل شامي .. ( ياهيك الغزل .. يا بلا )
الله يعطيك العافيه,بصراحه غزل حلو كثيررررررررررررررر
بس فيه بعض المصطلحات مو فاهمتها |
رد: غزل شامي .. ( ياهيك الغزل .. يا بلا )
غزل شامي على سن ورمح هههههههه
أضحك الله قلبك ياخيتووو |
رد: غزل شامي .. ( ياهيك الغزل .. يا بلا )
هههههههههههههه
شعر موزون :sm3: بس في كلام كتتتير مفهمتوش واضح انه كلام شامي عميق |
رد: غزل شامي .. ( ياهيك الغزل .. يا بلا )
مع انو طفولتي كانت مع أطفال من الشام و اخدت منهم كتير مفردات بس بجد متل هيك حكي يعني بدي قاموس و الله حلوو الواحد يلاقي بنت حلال من الشام تتغزل فيو هيك :sm239: بجد يسلمو اختي و كل عام و انتم بخير |
رد: غزل شامي .. ( ياهيك الغزل .. يا بلا )
بحبك حب جورج بوش ... لتوني بلير
هذه انتهت صلاحيتها ههه تحياتي |
رد: غزل شامي .. ( ياهيك الغزل .. يا بلا )
بحبك حب الجرابات للصرماية ..! لك بحبك حب سلاحف النينجا للبيتزاية !! بحب ضحكتك يللي متل صوت المعزاية >> بحبك حب الدؤونية لللهاية... أحلى غزل شامي |
رد: غزل شامي .. ( ياهيك الغزل .. يا بلا )
شكرا أختي على الضحكات التي منحتني اياها بمجرد قراءتي لهذا الغزل الشامي الجميل..
ههههههههههههههههههههههههههه فعلا ياهيك الغزل يا بلا... |
| الساعة الآن 19 : 05 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية