|
صحبة مصالح
:nic93:
( صحبه ولا مصالح ) القصيدة عامية من نوع الزجل (لما العشرة تهون ) يا خساره لما الدم يهون يا خساره ولما الكلمة الحلوه تكون بخساره إياك تزعل وتغير دمك خليها درس او حتى أشاره وتسجن نفسك بين حطين حيطة تسطك وحيطه تردك ولا فيه حد يقولك فين **** ليه معاند وراكب حمارك لما تصا حب حد اسنانك وتركب مخك وتشد لجامك قبل الصحبه شوف الصاحب واللي يصاحبك ما يكون عايق توبه وراه يجر خزاه والمعقول الناس عرفاه **** يا سعادة البيه ؟ عمر الصحبه ما كانت حظوة و تمشي معانا علشان غدوه ولا حاجه تعوزها تعمل نشره ولا هي رحايه تدش طحين بس الناس فاكرينك صاحبي من أيام ما كنت صغير أجري معاك وأسند ضهرك وانت ياروحي من بيت تعابين بدي في يوم تعود لأصلك تقطع عرقك وتشوف دمك فاكر كل الناس على شكلك هاوي خيانه وليك مصلحتك وماشي تدن كالدبابير ياللي ياروحي قوم وروح فتش حالك وشوفلك مطرح ناملك ساعة ولا اتنين واعدل نومتك وبلاش بطنك جايز تصحي من الكوابيس وقبل ماتطلع شوف اهدومك وخطي براحتك وحاسب البير ياما كتير كان غيرك أشطر وفكر ان الصحبه جميل لا وحياتك عمر الصحبه ما تبقى طحين واتحط في ضهري ميت سكين ويضحك سني كالتعابين وتنسى العشره وترمي يمين يا ما كتير جوه الطين تبقى اخويا وصاحبي لما اشوفك عاقل وفاهم وصاين العشره بلا سكين بقلمي @الشاعر سيد يوسف مرسي |
رد: صحبة مصالح
جميلة ومعبرة .. الصاحب الأصيل بقى عملة نادرة جدا في أيامنا ،وفعلا بتوجع لما يكون جونا أصل ورجولة ومباديء وبنعامل الناس بيها ، والناس ما بتقدرناش..
شكرا لك وأعانك الله .. |
رد: صحبة مصالح
اقتباس:
هكذا باتت الدنيا وأهلها كيوم الحساب ( وكل انسان ألزمناه طائره في عنقه ) نسال الله أن يحسن عملنا ويختم أيامنا بحسن المقام بين الناس وعندربنا جزاكم الله خير الجزاء وألف شكر |
| الساعة الآن 19 : 05 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية