يا ريانين .. آه ياعرب
 

يا ريانين آه يا عرب ..
ما احنا اهو لسانا زين وطيبين
كلنا جوانا لسه ألف خير
بيقولوا ليه متفرقين ؟وبيقنعونا الكذابين !!
يا ريانين مع إننا ..
جوانا طير اخضر بيضرب بجناحين
زي ما فينا الحزن يبكي بيبكي دايما فرحنا
جوانا قلب رقيق تملي عيونو تبكي لهمنا
طب مين يقولي أنا ليه بكيت ؟؟
وللي جوا البير دعيت ، بقلب أم كأنو بالع ابني أنا
وكل أم ف كل بيت من عربنا
ليه كلنا حسينا بيه وكأننا ،
قلب واحد فيه محبة وكله خير ؟؟
غير اننا لسه يادنيا طيبين
ويقولوا عنا ما حسيناش غير نفسنا
والفرقة دم بيسري فينا ، ولا حد لينا ف بعضنا
وان احنا أطلال أمسنا
وان احنا أطفال العروبة اللي ما نشبه جدنا
ولا لينا يد تكون وحيدة تجمع ما تاه من شملنا
نسونا ليه عروق الكرم ، ومجد جاري ف دمنا؟
واحنا غير كل اللي قالو عننا !!والمحن أكبر دليل
والظروف الصعبة خير شاهد لنا
واسألو ريان وغيرو وكل ثورة وكل غارة
وكل حادث في الوطن بيهز فينا كلنا
طب هاتولي قلوب بتشبه قلبنا
دا احنا العرب والمؤمنين على الأخص بربنا
هاتولي أمة بقلب واحد زينا
هاتوا لمة وافية دافية واقفة عافية ف الشدايد
هاتوا حد يشوفها غيري يحكم عليها يكون محايد
مش عشان حبي لها ، ولا انها بلادي الجميلة ولا غيرها رايد
لفوا علينا ودوروا ف كل القلوب مش هتلاقونا غير هنا
يا ريانين آه ياعرب لو نعود في كل شيء اسمنا بس ( العرب)
على قلب واحد على كلمة واحدة وبيد واحدة ..
مين بعدها في الدنيا دي هيهمنا ؟؟
مين بعدها هيكون علينا وضدنا ؟؟
طب ما احنا لسه كويسين ، والدليل كل القلوب اتجمعت
في بئر واحد ، واسم واحد كلنا بنرددوا ، رياننا .. رياننا
يا ريانين .. آه يا عرب

رد: يا ريانين .. آه ياعرب
 

جميل يا عزة نصك ..
شكرا لك
فعلا قلوبنا جميعا تنتظر أن تخرج من البئر...
ومن أجمل التعليقات التي قرأتها في هذه المحنة أن ما شتته السياسة والكرة جمعه ريان... ريان وحدنا...
في هذه المحنة منحة ونعمة .. الحمد لله، وأسأل الله أن تخرج قلوبنا سالمة مطمئنة من البئر

رد: يا ريانين .. آه ياعرب
 

شكرا لك ولمرورك وتعليقك خولة .. معذرة تأخرت بالرد ، وذلك بسبب ما كان عقب الحدث .. نعم كنا جميعا معا داخل البئر ، واتمنى أن نظل جميعا معا خارجه ...
تحيتي وباقات الياسمين ...