مجاراه
 

مجاراه
أختنا فاتن جيتك أجري
لما اسمعتك تطلبي رأي
اسمعي مني وسلمي أمرك
طلبك جاهز وكله على الله
حامسك ريشتي ورايح أرسم
أما قلمي سبيه بالمره
عمري ما كنت أمشي واسيبك
في اي حكاية ما أنا قريبك
وسيبي الشاعر يطوف بخياله
وخلي الكاتب يمشي لبره
أصل الكاتب عاشق قصة
أما الشاعر شايل جره
أما الخالي قاعد فاضي
يلف برأسه وعنده الحسرة
عمده وريس وعايز مضغه
وهات الخايب تحت الخيمه
وهات الشاطر يعد لعشرة
جايز يسلم من غير زيطه
أصل الصادق ما يبقى كذوب
وعمر الحق ما يبقى لعوب
ويشيل جره وسط السوق
أصل الحق أصيل متأصل
حر وصادق ويعرف الله
واللي مركب دقنه مزمر
أما أبو عمه همه مقنطر
هيه صحيح الدنيا ك زيطه
واللي عايشها قاعد في عيطه
كيف تلمي ناس مفكوكه ؟
سيبك وامشي وانسي الحال
عاد القرش ليه موال
اعصري نفسك عصر لمونه
جايز بعد عصيرك تشوفي النور
وبلاش نحسب ..
وخلي الحسبة مع التجار
ضرب وطرح وقسمه بنار
مش فزوره يا فاتن يا اختي
خلي الرسم لأهل الكار
بقلم : سيد يوسف مرسي