|
معاك أنا نصبر
. ما بقى معك صبر كل شي منك ولا يضبر تلفت بين نجوم الليل نعدها ونخاطب القمر بالنهار وسط السحاب أنا غارقة والبحر ديما قدامو راني هايمة بغيت فيك نرصى على بر ما جبرت ليا عندك شبر غارق انت كيفك كيف البحر حامل فجوفك كذا سر ما لقيت دوا لكسري يجبر شادة قلبي وتر وتر نعزف بدمو الموتر نبضة نبضة يكعد عزو المعثر حمام أنا فالسما طاير غاديا فهاد الحال نتدبر نسقسي راسي فاش يفكر ومالو هايم و يستفسر وانت هاز فكتافك تستعلى وتتكبر .. نسيت سر الجبال ووليت تتجبر محال نولي نتيق .. هذا ضباب مغبر واه!! وا غير الله يستر ما عندك لاش تفهم كلامي المبعثر ونا لحروفي راني غاديا ونجرجر وفشي يوم ومن بعد ذاك العسر نلقى بزاف بزاف د اليسر ونضحك .. نفرح .. ونستبشر ونستمتع بكاس مشحر والشوا .. المحمر والمبخر ويضحك قلبي المخنثر وما يبقى حد فينا مكشر يا ترى واش نقدر؟! وتعاود تحلا بينا شلا اسرار نغنيو تظللنا ورود وأشجار معانقين فكاع الأنهار نصليو جميع نقراو الأذكار حتى الفجر و بكل الأسحار |
رد: معاك أنا نصبر
جميلة خولة .. غالبا فهمتها ، وأحسست معانيها الرقيقة ..
دائما مبدعة !! |
رد: معاك أنا نصبر
ويضحك قلبي المخنثر
وما يبقى حد فينا مكشر أمنية يسر الله تحقيقها وبلغك سعادة لا تنقطع. |
رد: معاك أنا نصبر
اقتباس:
|
رد: معاك أنا نصبر
اقتباس:
شكرا الغالية ليلى ... فنانة الزجل |
| الساعة الآن 07 : 09 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية