منتديات نور الأدب - موال / إحنا الفلسطينيات

منتديات نور الأدب (https://www.nooreladab.com/index.php)

- الشعر (https://www.nooreladab.com/forumdisplay.php?f=225)

- - موال / إحنا الفلسطينيات (https://www.nooreladab.com/showthread.php?t=3830)

موال / إحنا الفلسطينيات

إحنا الفلسطينيات مهرنا غالي
ما منوخد غير الشب ْاللي جبينو عالي
ما منوخد غير الشب اللي بيحمي أرضو
واللي كل حبة تراب هي دمو وعرضو
إحنا الفلسطينيات مهرنا معروف
وبين كل الناس مشهور وموصوف ْ
ما منوخد غير الشب اللي روحو على كفو
اللي بتحدى الموت مهما العدا اصطفوا
إحنا الفلسطينيات بنات ذات الهمهْ
مهما الحرب تشتد بتزيد عنا الهمهْ
وحياة كل حبة تراب لنرد الأعادي
ومهما طلبت الدار بنعطيها وزياده
إحنا الفلسطينيات مامنهاب الردى
جنب رجالنا ع طول بالحرب والفدا
ياالله ياأهل البلد خلو الإيد ع الإيد ْ
زفوا الأرض للشمس وملوا العرس زغاريدْ

رد: موال / إحنا الفلسطينيات

استمتعت بهذا الموال باللهجة الفلسطينية
تقديري لك أستاذ طلعت

رد: موال / إحنا الفلسطينيات

انطربت وتغنيت ودبت الحماسة في نفسي وروحي وقلبي وأنا أردد
هذا الموال الفلسطيني الرائع "إحنا الفلسطينيات " , فعلا هذا صحيح
هكذا نحن الفلسطينيات .
مبدع دائما أستاذ طلعت , وشكراً للعزيزة نصيرة على إظهار هذا
الموال على السطح .
محبتي وتقديري .