|
الزجال جلال كندالي- قصيدة
الكابال راسو شاعل لبن كمرةمن كثرت المحاين والتخمام قلة الشي ترشي احيانا احيانا احيانا واللي فينا ما هنان هموم كثيرة مت تقاس بارقام هموم خامدة ف عبون لعوام على ظهر مقوس عوجاتو ليام وزادتو لفقايس الخارجة ليه كيف الضرة بين جلايل ولكمام حالفة بلحلوف تقتل فيه البسمة ولحلام وتدفن خطواتو في بير الزحام وتحول ما بقى من حياتو وسواس، خوف، وظلام حلمة صغيرة بسيطة حلفت عليه بليمن ما تفتح ليه العينين دهن السير قال يمكن يسير السير ما سار ما تحرك شمال ما تحرك يمين تقبو لجيوب بت لعيا ف اللدين حلمة صغيرة بسيطة يبني قبر الحياة يخدم، يعرس، تكون عند امرا ينسى تمارة واللي فات يتزاد ولدو لق كرسي يقر إلمرض يلقى صبيطار مرضو يداوى ويبر بلا رشوة بلا تحزار يلق الميزان ف المحكمة مساوي الحق فيه ما يتباع ما يتشرى لا بالمال، لا بالقهاوي وصحاب الحال نكونو عندهم بحال بحال نكونو عندهم بحال بحال بالتساوي نشربو من ضرع البقرة وصحاب الطريبشات يدبحو لحقاد وتجمعنا بهم من جديد الدم والعشرة حلمة صغيرة بسيطة ما خلا درهم، ما خلا بسيطة ما خلا حتى واحد على وجه البسيطة باس الرجلين، ما نفعاتو وسيطه دق الديور، دار، دار ما لقى غير صحاب لغيار كولشي عندهم قمر بالعيطة عيط الكبال قال يمكن يطلع الجوك ويخرج الكبال باب نخلص دين وا وبوك ويفرحوا لبعاد ولقراب على ظهرو نفك لبلاد بالسيف والدرقة رقدوها لكلاب اولاد لكلاب وزندفوا الكبال دف لا كبال، لا سيف كولشي تلف لمسكين النهار ف عينيه سواد الكارطة مخدومة بالغش والترقاد نحلف بلحلو نركب لهبال حتى يلعبو معانا لعب الرجال نعاودو الضمسة وما زال نعيط لكبال وما زال ما زال يحنحن ويخرج الصادق ويبان الكذاب |
| الساعة الآن 24 : 09 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية