|
داويني داويني- توقيع الزجال توفيق البيض
داويني داويني إيلا عندك الدوا رويني رويني إيلا عندك الما خلي سماك حلمة ما فيها جثمة خليك قمر خليك نجمة ضوي دواخلي واطرد الظلمة خبي الهم بالبسمة شحر كلامك وسقيني جغمة جغمة عجن كلامك ووكلني دغمة دغمة راه حقي ف گصعة عشقك لگمة. داويني داويني إيلا عندك الدوا رويني رويني إيلا عندك الما قلبي رهيف، لحمة ما نتحمل صدمة اعطف، اعطف وتكون في قلبك الرحمة جني لي من عرصة احلامك كلمة تحيد الضيم وتخفف الغمة ياك الكلام كثير زعمة داويني داويني إيلا عندك الدوا رويني رويني إيلا عندك الما خليني نشمك نسمة خليني نسمعك نغمة خليني نحطك فـ قلبي وشمة كون لي بلا سحور بلا لطمة داويني داويني إيلا عندك الدوا رويني رويني إيلا عندك الما راه عشقي حرمة ملحفة بالحشمة وجاتك مسلمة لا تدير ودن كيال وتزيد فـ الهبال داويني، ارويني ولا كول: ما عندي دوا.. ما عندي ما.. |
رد: داويني داويني- توقيع الزجال توفيق البيض
ضوي دواخلي
واطرد الظلمة خبي الهم بالبسمة جميلة كلماتك يا أخي توفيق بارك الله فيك وفي عملك وكل عام وأنت بخير |
رد: داويني داويني- توقيع الزجال توفيق البيض
[align=center]
داويني داويني خويا توفيق وسقيني أنغام ومعنى ولا تكول ما عندي راه القصيدة دوات بلسانك غير همس فوذنها وخليها تحكي ألف شكر أخي تقبل مروري [/align] |
رد: داويني داويني- توقيع الزجال توفيق البيض
[align=center]
سلام الله عليك الأخ توفيق و رحمة الله تعالى و بركاته كلمات حقيقة جد رائعة ، موروث كلماتي مغربي 100°/° أتمنى لك الاستمرارية في هدا الحقل دمت بألف خير [/align] |
رد: داويني داويني- توقيع الزجال توفيق البيض
ما عندي ادوا.....ما عندي ما
ولكن عندي توفيق كلامو نخوة محمد مومر |
رد: داويني داويني- توقيع الزجال توفيق البيض
إن غدا لناظره قريب
قصيدة جميله |
| الساعة الآن 00 : 11 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية