منتديات نور الأدب - زمان هدا واش منزمان

زمان هدا واش من زمان

ما بقات فيه تقة مابقا فيه امان

كثر فيه الفساد قل في الايمان

نسينا خير ربنا قابلناه بالعصيان

زمان مابقات فيه خاوا مابقا فيه اصحاب

ماتقدر تفرز فيه مابين الصالح امابين الكداب

تشتت شمل الناس ولات الفتنة مابين الاهل والاحباب

صاحبك ميبغليك غير المشقة والعداب

زمان الشفرة وكثرة التخلويض

بنادم بالحسد والكره والنميمة ولا مريض

ولا سريع الغضب دمو بسرعة كيفيض

تقطعات صلة الرحم مابين الناس حتى ولو كان اليوم يوم عيد

زمان الغني فيه كياكل الفقير

مول الفلوس عندو سلطة الحكم عندو سلطة التسيير

الدرويش ايصبر الدق ماعندو مايدير

شبابنا ضاع عطيها للشخير

يلاه يا ناس يلاه يابني ادم

راه الحيا فينا مبقاش راه نعدم

نكونوا احباب قبل ما الصراع ايحتدم

نديروا اليد في اليد نغيروا هاد العالم