[حسن الحاجبي]

--------------------------------------------------------------------------------

***القصيدة ***


آه يا بلادنا وكل ما لينا
بصو وشوفو إزاي
أهالينا
بطش الظالم فيهم وفينا
وإزاي نسكت على
أعادينا
**
غزة الغالية تحت النار
فكو حصارها يا أحرار
لازم صحوة كفاية دمار
لازم وقفة ...واستنفار
ياما عانينا فيكي يا دار
ولا نسينا ...الإستعمار
مش لهنفرح حبة عشان
إحنا في هدنة واستقرار
بكرة هيجي شايل صمته
ممكن جنة وممكن نار
**
واحنا الهدف الواضح ليه
ومفيش غالي هيغلى عليه
يبقى ليه نسكت ليه
لازم نثبت كرهنا ليه
ونوريله نتيجة ظلمه
وإنه عدو وما هنخليه
يجري ويلعب ولا على باله
وهو جبان بخ عليه
إزاي يضرب وكلنا ساكت
فين النخوة ما نلعب بيه
أصل دا كله كله مزايدة
ودول العالم راهنو عليه
وقال يعني
بكرة تكون في حبابي عينيه
**
بس شوية لما نصحصح
شوفو هنعمل فيهم إيه
أوعو تقولو أن إحنا هفايا
دا احنا وزير وباشا وبيه
كراسينا شاهدة بكل نزاهة
بنخاف عالحق
ونداري عليه
حتى لدرجة أننا نسكت
وطبعا نشجب وإزاي وليه ؟
وأصل سكوتنا
أصله دا واجب
مالي حياتنا وبنحييه
وشوف بقى لو هنعمل ثورة
هتبقى هلمة وسين وليه
يبقى الأحسن نفضل أحسن
برغيف عيش وكام أبونيه
ليه نتعلم ليه نتنور
ليه نتهور ليه ليه ليه ؟
ويلا يابني بينا هنبني
عش صغير نسكن فيه
وخلو الطاهرة بنت الطاهرة
ماسك روحها ماين أياديه
عدو مخنس يدوب من فترة
واهم نفسه وبيقول أراضيه
وكأنه ما عاد فينا النخوة
أو إسلام ...نسبنا إليه
لازم طبعا شوية رحمة
مع حبة صحوة وقوة عليه
علشان نقدر نرجع غزة
ونطوي كفاحها وآهات لياليه .


يتبع ...