[زاهية بنت البحر]

[frame="15 90"]
[frame="9 90"]
[BIMG]http://aghla7.com/modules/xcgal/albums/children/baby%20%2848%29.jpg[/BIMG]

[poem="font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وقفِتْ عَ شباكِ الزَّمَنْ واسترْجَعِتْ=أحلى الصورْ هلْ عاشِتا بعمرا
ومَدري شو خلَّاها بسرَّا استعْجَلِتْ=وشلْحِتْ عيونا ع البحرْ نظرا
واتلهفِتْ وإيديها عمْ تِمْتـَدْ=تلملمْ مِنِ هْبوبِ الهوا صِرَّا
واتسَابـِقْ النـْظراتْ بعيونِ الزَّمنِ=هالْ صادَفِتـْها اليومْ بالقِدرا
أتاري لمْحِتْ شجرا حدَّوْ عَرَّشِتْ=بغصونِها وأوراقـْها وزهرا
وإيدينِ عمْ تِسْقِيْ ورودْ الدَّارْ=بمحبِّتا وإيمانْها وصبرا
حَسِّتِ عاخدا دمعهْ فيها اتذكَرِتْ=إيدينْ إمَّا وبسْمِتا وسِحرا
قلبا انفطرْ واتـْسارعوا الدَّقات ْ=ركضوا عا إمّا يبوِّسوا شعرا
وطيورْ أغلى دارْ صدْحِتْ بالنَّغَمْ=فوقِ الزُّهورْ الـْ فوَّحِتْ عِطرا
والإمْ عَم ْتِطَّلَّعْ وتسألْ=مستغربي شوجدّْ عا فَجرا
لكنْ بإحساسِ الأمومي اتْفهمتْ=واتبسمِّتْ شمسِ الضُّحى بثغرا
وعينيها راحتْ بالومَا تِنْدَهْ :تَعِي=يابنيتي طوَّلتي هالسَّفرا
يابنيِّتي شوفي الوردْ مجروحْ=وعا خدودو يامِّي انطفيتْ الجمرا
يابنيِّتي ماعادْ عندي دموعْ=تصَبِّرْ عذابي ولوعِتي الحرَّا
بلحظةْ عتبْ هالقلبْ رفِّ وطارْ=وقلَّـلا ياإمي راجعهْ بكرا
تانجدِّدِ الأحلامْ بِعيونِ الفرحْ=ونْعَشِّقا بالحبّْ والعِشرا
وحَ ندوِّبِ سنينِ البُعدْ بالكاسْ=وراحْ نشربا سِكَّر بلاحسرا
وهـالإمْ ضهرا منحني=والعمر إلها بينحني
والبنتْ زهرةْ سوسنيْ=رجعتْ لإمَّا بحلمْ طِفلي زغيَّرا[/poem]
شعر
زاهية بنت البحر

[/frame][/frame]