[عادل عادل]

سلام ...
العم ابو صالح من عربته الصغيرة على كورنيش النيل ... كان له هذا التصريح ...
مساء الخير يا حضرات المثقفين واصحاب الشهادات ... يا ابني انا راجل بمشي الحيط الحيط وبقول يا رب الستر ... واللي بتجوز امي بقول له يا عمي ... هو انا قد السياسة ورئيس الجمهورية ... والشرطة السرية ... انا ابو عيال بدور على لقمة العيش ... ويا افندم لو راح الريس مبارك ... هو اللي حيجي حيكون احسن ... ما كلهم يا عم واحد ... والقرار عطول خارجي ... هو انا قد الحكومة ... تصور اولادي واحفادي نايمين عالارض في ميدان التحرير ... مش عايزين ياكلوا ولا يناموا بدهم تنحي الريس ... ال ايه الريس وابنه ومجموعة مبارك وال اربعين شاطر ... سرقوا اموال البلد ... يا عم دي قريب 30 سنة والمفروض اللي سرق شبع ... بس كمان على ما يبدو كرش زعيم 40 شاطر وعصابته بئر بلا قرار ... يعني مش حيشبعوا ... انا حاطط راسي بين الروس وبقول يا قطاع الروس ... اجاني الامريكاني والفرنسي والروسي والياباني ... عايزين بطيخ النيل ... شربوا مانجا واخدوا شوية غاز لولاعتهم ... هي دي الاصول وكرم الضيافة العربية ... احنا اصحاب حضارة عمرها 7000 سنة وبنفهم برضه بالاصول ... وانا بقول ما احنا عايشين تغير ايه وبطيخ ابه ما يسبيونا في حالنا ... عايزين نعيش ... ونزلت دمعة حارقة من عين العم ابو صالح وقال : والله دي ما هي عيشة ... عايشين في مقابر وتحت الكباري ... ومعاملة وحشة من غفير البوليس للامين ... معلش يا ابني بس انا فقدت الامل بشي اسمه ضمير واصلاح ... انا غلبان ومغلوب على امره ... يا رب يقدر اولادي واحفادي عمل اللي مقدرناش نعمله ... ربنا كبير ... لي عودة بس ابيع شوية سميط .