[نصيرة تختوخ]

[ALIGN=CENTER][TABLE1="width:95%;border:4px inset red;"][CELL="filter:;"][ALIGN=center]
الورد اللي فتح في جناين مصر
الورد الورد
هجر السرير لميدان التحرير
و صبح على مصر
يبوح لها:
"ياحبيبتي"
يوعدها:
"ياأميرتي"
ويوصل زمانه بزمانها
وأوانه بأوانها
وترد عليه هي :
"يا ماحلى الورد
يازمان الورد"

الورد اللي فتح في جناين مصر
ما خافشِ من الرصاص و النار
واختار
قال بأعلى صوت
باقي حتى الموت

و غنى:
بلادي بلادي
لك حبي و فؤادي
مصـر يا أم البلاد
انـت غايتي والمراد
وردت مصر بدمعة وقلق
وهي بتشوفو بيتحرق
"الورد الورد
الورد علشاني
ليه تحرقوه
ليه تخطفوه
ليه تخرسوه
علشان شوكُه
حالف مايدمي
علشان حلمه
شايل إسمي
الورد ليا يانيل
شاهد يا خير دليل "

النيل:
"الورد اللي فتح في جناينك
أنا ساقيه
دمه مش ميه
وتفكيره مِيَّة مية
قولي الله الله الله
وكفكفي دموعك
مش شفتيه بيزف بعضه
بيزرع الخير ويحمي أرضه
بكره
تقولي يانيل
يا ماعشنا عالحلوة و المره
والمراكب رايحة وجاية
عليك بتميل
ياماشلنا و حنشيل."

الورد اللي فتح في جناين مصر
حيمد غصونه
الله يصونه
وإن دفنوه
حيرمي بذوره
تنبت جذوره
مزخرفة في التربة حرية.
Nassira [/ALIGN][/CELL][/TABLE1][/ALIGN]