[نصيرة تختوخ]

[ALIGN=CENTER][TABLE1="width:95%;background-color:orangered;border:4px double black;"][CELL="filter:;"][ALIGN=center]
http://www.youtube.com/watch?v=PkgqG...eature=related
اتجمعوا العشاق في باب الخلق
والشمس غنوة من الزنازن طالعة
ومصر غنوة مفرعة في الحلق
اتجمعوا العشاق في الزنزانة
مهما يطول السجن.. مهما القهر
مهما يزيد الفُجر بالسجانة
مين اللي يقدر ساعة يحبس مصر؟
***
اتجمعوا و العشق نار في الدم
نار تحرق الجوع والدموع والهم
نار تشتعل لما القدم ينضم
لما الأيادي تفور في لم اللحم
واللحم متنتور في رملة سينا
والكدب بيحجز على أيادينا
قدم العدو غارسة في لحم ترابي
والكدب عشش مخبرين على بابي
والمخبرين خارجين كلاب سعرانة
بيجمعوا العشاق في الزنزانة
مهما يطول السجن.. مهما القهر
مهما يزيد الفُجر بالسجانة
مين اللي يقدر ساعة يحبس مصر؟
***
مصر النهار يطلقنا في الميادين
مصر البكا.. مصر الغنا والطين
مصر الشموس الهالة من الزنزانين
هالة وطارحة بدمنا بساتين
مصر الجناين طارحة مين يقطفها
مصر الجناين للي يرفع سيفها
مهما يطول السجن.. مهما القهر
مهما يزيد الفجر بالسجانة
مين اللي يقدر ساعة يحبس مصر؟
ولا حد.. ولا حد[/ALIGN][/CELL][/TABLE1][/ALIGN]