خبيني عندك خبيني دخلك يا نونو
خبيني عندك خبيني دخلك يا نونو
قلتلو انت من وين؟
قلي من حدود السما
قلتلو جايي من وين؟
قلي من بيت الجيران
قلتلو خايف من مين؟
قلي من القفص هربان
قلتلو ريشاتك وين؟
قلي فرفطها الزمان
عصفور طل من الشباك وقلي يا نونو
خبيني عندك خبيني دخلك يا نونو
نزلت ع خدو دمعة وجناحاتو متكية
واتهدا بالأرض وقال... بدي امشي وما فيي
وضميتو ع قلبي وصار يتوجع على جروحاتو
وضميتو ع قلبي وصار يتوجع على جروحاتو
قبل ما يكسر الحبس اتكسر صوتو وجناحاتو
قلتلو خايف من مين؟
قلي من القفص هربان
قلتلو ريشاتك وين؟
قلي فرفطها الزمان
عصفور طل من الشباك وقلي يا نونو
خبيني عندك خبيني دخلك يا نونو
قلتلو لا تخاف اتطلع... شوف الشمس اللي رح تطلع
واتطلع ع الغابة وشاف... أمواج الحرية بتلمع
شاف جوانح عم بتزقزق... من خلف بواب العلية
شاف جوانح عم بتزقزق... من خلف بواب العلية
شاف الغابة عم بتحلق... على جوانح الحرية
قلتلو انت من وين؟
قلي من حدود السما
قلتلو جايي من وين؟
قلي من بيت الجيران
قلتلو خايف من مين؟
قلي من القفص هربان
قلتلو ريشاتك وين؟
قلي فرفطها الزمان
عصفور طل من الشباك وقلي يا نونو
خبيني عندك خبيني دخلك يا نونو
خبيني عندك خبيني دخلك يا نونو
خبيني عندك خبيني دخلك يا نونو
song by Aida al Ayoubi