[فتيحة الدرابي]

الأرض تنادي
اشربت كثير من دم اولادي
وقفوا الدم يا احفادي
هاذ الشي ما شي عادي
فين ما زال هاذ الحال بينا غادي
لبحر موجوا عالي
لرياح لمخالفة امعاكساني
الحال ما يطمئن
فينك يا العاي
فينك يا الغادي
شي حل إيحول النار ارماد
باركة من لعناد
اولادنا كيموتو ف كل ابلاد
الدم يقطر حسرة عل لكباد
فين غادي بينا هاذ شي فين غادي
ما بقينا انفرحوا ف لعياد
ولا انلبسوا فيه احوايج اجداد
في كل بيت حزن واحداد
التقهرنا ف شوفت احبابنا لبعاد
بعزيمتنا كنا اشداد
ضاع ضاع كل ما فينا يا لعباد
يا ربي من عندك الحل وخلص
كل واحد من المسؤولية يتملص.
-----------------
باركة = يكفي
خلص = وضع نهاية
يتملص = يهرب