|
مخدوعة
ف قلبي كان اعز إنسان
خدعتني فيه احلاوة اللسان
بين لي الجود والكرم والإحسان
خلاني انحبه
ونبني ليه صورة
ف اخيالي اقصر عالي البنيان
ونقش ابديع ف كل الحيطان
اسكنت فيه وتمنيت انعيش ف اطمئنان
واتمنيت انرتبو بدوقي
ونخليه ف أجمل صورة للعيان
حبيتو من كل اعماقي
واملك القلب والوجدان
خسارة فيا سلم واعطى فرصة للعديان
فيا تتكلم وتخرج النيبان
لله يا المكوي بحر لفراق
قول لي واش نقدر
ننسى جرح ف الأعماق
قول لي
آش من دوا
يداوي مخدوعة
صبحت من إحساسها ممنوعة
واسرارها على كل السان مشنوعة
قول لي واش
القلب الحساس
لما يتجرح يمكن يجيه النعاس
واش يقدر يحب من ثاني
ويعطي من حبو وحنانو بتفاني
لكل العشاق نهدي مشموم
وتكون طريقهم خالية من لهموم
ويبني من جديد احلام
وعيش اسعد ليام.
نور الأدب (تعليقات الفيسبوك)
|