[ميساء البشيتي]

سعيد
يا هلا ابني وين هالغيبة اشتقنا لك كتير
شايف كيف صرت عصبية من غيابك ؟
هههههههه
بمزح ابني بس صدقني ما تصدق في انسان بتفلت أعصابه بدون سبب
يعني لو أحكي قديش بينحرق دمي بين ما أفتح صفحة المنتدى
واللي زاد الطين بله منتداي كمان صاير يعل القلب يعني أحيانا بشعر
أنه كل الدنيا بتعاندني وسوزي مبارح بالمساء دقرت السيارة يعني مو شيء
كتير مهم بس بتلاقي منغصات ومنغصات ومنغصات بتقول أقلها أنا مالي وما النت ؟
ليش ما اختصر المشاكل وألغي النت من حياتي وأرتاح طالما عم يوترني ويحرق دمي وأعصابي
بنرجع بنقول الإنسان ما في يتخلى عن كل هالناس الحلوين اللي عرفهم عشان
شوية تعب ومنغصات بترجع بتلاقي النت أبطأ من أول وخمسين مرة تكبس على الصفحة
لما تفتح وأقعد أسجل بمخي هذا ما رديت عليه وهذا لازم أرد عليه وهذا ضيعت صفحته
والرسائل عم توصل وأكبر عيب ما أرد عليه لدرجة إني عم أحذفها لأني لما بشوفها كتيرة
بقول من وين بدي ألحق أرد عليها وحتى أنا ما عم أنشر لي شيء لأنه النت مو مساعد
وأحيانا بتمنى لو فعلاً حدا بيساعد في الخاطر أو في الملفات اللي فتحتها ومو لاقية
الوقت حتى أرجع أكمل فيها وفي ناس بيعتبروا إن ما رديت عليهم إني ما بدي أتواصل معهم
وهيك طول النهار تعبانة وشاعرة بالتقصير حتى هذا عم يخليني عصبية جدا
وطبعا قروشت لك دماغك وإنت ماخد بريك تغير جو معانا كيف أنا معاك .. مبدعة .
ههههههههههه.. بيعين الله ابني سعيد هلأ ارجع لدروسك وحاول تنجز بسرعة
وإن شاء الله تتوفق ابني والله يسمعنا الأخبار الطيبة يا رب وبلغ سلامي الحار للغالية
رهف وللست الوالدة ولجميع الأحبة بطرفك .