[ميساء البشيتي]

مساء الخير بوران وجميع الأحبة
بالحقيقة أنا ما في زعل بيني وبين أي حدا من حبايبي هون
ولا حتى هناك ولا بأي مكان وعلى رأي واحد غليظ جدا طلع لي في
مكان بده يتغالظ لما بيشوفو ست نشرت خاطرة بيبدأ الحكي البايخ تاعهم
طبعا أنا انصدمت بحكيه لأنه الست لما بتنشر حرف المار بالشارع بيتدخل
يقول لها بكل وقاحة شو صاير بين وبين زوجك ان شاء الله ما تكونوا متخانقين مع بعض
يعني بيتعرض الواحد لاستفزازات ما بعرف من وين بتهبط عا راسه .. بزعل كتير
لما بشوف الست كأنها مشاع كل واحد مهما صغر شأنه بيحاول أنه يتدخل فيها
بينما الرجال ما بدي أقول بيعجبوا بالنشر ما في ولا جنس مخلوق بيقول له إنت وين رايح
على العكس لما مرة فكرت أقول لأحدهم هون في جرأة شوي نظر لي نظرة استياء
بما معناه كل هذا تخلف ؟
بنتعرض لضغوطات الله أعلم فيها .. الخاطرة من كثر ما بشفيها بحس إنها فقدت كل نكهتها
ومع ذلك بيقولوا لك كاتبة جريئة !
كمان شوي راح نصير نكتب من خلف حجاب ..
لغاية اللحظة صرت منعزلة عن عدد كبير من المواقع بسبب تدخل السفهاء
وزهقت أضل أدور وأبدأ من تحت الصفر كل مرة
زهقت من فكرة أول ما يطلع اسمي يفتكر البعض أنه صار في حدا يكبوا السماجة عليه
أنا ما بحب أحكي وبحس أنه هذا ضعف مني وإني فعلياً بتحدى الكل بس ساعات بحس
التخلف متغلغل فينا وصعب أن نقتلعه من جذوره عشان هيك بقول حرام الوقت آخذه
من أسرتي ومن راحتي عشان أسمع كلام بوفره على حالي وعلى أعصابي
آسفة إن أزعجتكم بس عن جد أنا وصلت لمرحلة .. عوجاااااااا وما فيها أمل .