|
رد: فنجان قهوة وأحاديث الأحبة .
البنت مرعوبة : بابا بابا ! في واحد تافه و قليل أدب بعتلي طلب إضافة !
* الأب بظوا عيونوا لبرا : شوووووووو ؟
... ...
* الأم : يالطيف ! لك يبعتلك حمى ما قلتلك لاتتأخري بالسهرة عالفيس بوك وتضلي لنصاص الليالي ؟ الله لايوفقك !
* بنط الأخ الصغير : مين هوي هالحيوان ؟ والله لجيب رفقاتي و انزل فيه ريبورتات وسكرلو الاكاونت تبعو!
* بيجي الأخ الفهمان : لك أختي بركي الزلمة رايدك بالحلال ؟
* بنط الأب : لك شو حمار أنت ؟ لو ابن عيلة وقاصد الحلال كان بعتلي إضافة لئلي مو لأختك ... بس هية الحق عليها قاعدة سهرانة بنصاص الليالي مدري بأي صفحة ... وبيرفع أيدو الأب وبيخلعها كف للبنت و بقلا لك يلعن ابوكي على هالترباية شمستينا ... بدي أعملك ديليت لحسابك ... !!
* الأم بتقول : لك خاف ربك يا رجال البنت مو ضايفة غير رفقاتا البنات و انا بعرف كل امهاتون ضايفتون عندي الله وكيلك...!
* بقلها الأب : لك أصلا هي أخرتا تربايتك ... روحي و أنتي بلوك بالتلاتة ! ... بلوك ... بلوك ... بلوك !
العيلة بتتشرد والجارة بتحط لايك قد مو بنت حرام
|