[ميساء البشيتي]

صباح الخير للجميع
مفتحة عيوني بس لسة مو مصحصحة
الفيقة بكير زنخة مو ؟ بس خلص رمضان لازم نفيق أبكر
وبعد كم يوم الدوام والزناخة كلها .. ههههههههه
شايفين النشاط عالريق
شو كنت بدي أحكي ... آآآآآآخ يا ربي مخي ما عاد يجمع ..
عم أشرب شاي بس الشاي ما بفيق مثل القهوة ..
القهوة بدي أشربها مع البنات لما يفيقوا
كل ليلة بنقعد 3 ساعات نتفق ونوعد بدنا نفيق بكير
وما حدا بيفق قبل الظهر.. قصدي العصر بس بيلحقوا صلاة الظهر إن شاء الله
المهم .. خلونا ندخل بالمهم حاسة النظارة صار بدها تغيير .. ليش ؟
طيب نجي للحاجة ناهد اللبؤة الجميلة
عارفة ناهد مرة بحكي لحدا بقول له معلش تحملي نكدي وحزني قام شو قال لي
ليش هو أنا أبو السعد ... ههههههههههه .. القصد يا ناهد كلنا قلبنا من الحامض لاوي
وحاسين فيك وبكل الأحبة وأصلا أنا قلبي انطفى على الآخر بس آهو بنحاول نضل
نفوت ونسلم ونتواصل .. ما أدراك ربما استطعنا العودة ولو بنسبة بسيطة .
المهم هلأ وبدون ذكر أسماء اللي مزاجه مكركب يروح يعدله ويرجع عشان نعرف نحكي
الظهر أو العصر لما يفيقوا البنات بنعمل طقم قهوة طازة وبالهيل وحلو شوي
لا تتأخروا قهوتي بتطير بسرعة وجايبة لكم طقم فناجين حلو جدا
ياللا عدلوا مزاجكم وسكروا نشرات الأخبار وتعالوااااااا