|
حالنا واحوالنا
حالنا فريد مأزم
ليلو ظلام ونهارو امظلم
شحال قدنا ما نتحمل
اعذاب وحسرة زمان طويل علينا اتزمم
قلبنا فايض بالهم والغم
ف كل يوم إيسيل الدم
حالنا اقتل فينا حتى الحلم
حتى ف منامنا ما بقينا ننعم
بالراحة واحلاوة السلم
ف القرية وف لمدينة
تشوف عين الأم
باكية شاكية يسمعها حتى الصم
يذوب لحديد ما يدوب ف قلبها الهم
ف نيفها رحية الدم هي تشم
ارواح تحت الثراب
يعفط عليها لكدم
يا ابنادم إيمتى تفهم
يكفي ما تهدم وتردم
دينا يرفض قتل المسلم
لكبير والصغير فينا يخمم
ف وضعنا لمدمم
حالنا كثير إيألم
إيسبب ظر ف لبدان ويسمم
إيمتى شملنا يتلم
إمتى سمانا يصفى ما يبقاش امغمم
إيكف الدم ويكون السلم امعمم
إيمتى انصلي وانتحي ونسلم
بلا ما تكون قنابل وصواريخ
فوق ريوسنا تتكلم
إيمتى يزول هاذ الظلم
نتحروا وف كل شبر من بلادنا نتحكم
يا ربي يدينا ممدوة ليك
فينا تشوف وتتكرم
يوقف هاذ الغنف ويزول الغم
يزول الطوفان ويوقف الدم.
نور الأدب (تعليقات الفيسبوك)
|