[علاء زايد فارس]

سمعنا إن جيش الدفاع جاي يزور قطاع غزة
75 ألف جندي اسرائيلي مرة واحد!
كتير والله هالعدد كتير ...
كتير...شو هالهنا الي احنا فيه ...
مع أنه مساحة القطاع صغيرة على هالعدد!
حنرحب بضيوفنا
ومافيها تقلة بنوب ما تقلقوا ، إذا بدكم تبعتوا لواء الجولاني او الاحتياط
إذا ما شالتهم الأرض
حنشيلهم عضهورنا
ونآخد بدل " الشاليط " " شلاليط " !!!!


بصراحة ورغم القصف المتواصل ، انكسرت ضهور أهل غزة وهم بيحضروا كعك ما في متلو بالعالم كله احتفاءً بقدوم جيش الدفاع...


كعكنا يا جماعة بتآكلش بالتم متل باقي الكعك بالعالم
كعكنا بتآكل بالرجلين!
وما تخافوا الكل من جيش الدفاع حياكل كعك تحت رجليه لما ينسطح سطح!

طعموا طيب بتحس معه إنك طاير بالسما
من كتر الفرحة حتلاقي ايديك بناحية
ورجليك بناحية تانية خالص!

السياحة عنا بغزة طعمها غير شكل يا جماعة
ناس بتطير بالسما
وناس منبطحة عالارض
وناس بتصرخ
وناس بتجري وبتقول " فوقاعيم " " فوقاعيم "


متأكد هالرحلة راح تغير حياتكم للأفضل
جزء راح يشربوا الشجر عنا
وجزء راح يفضل بضيافتنا سنين مستانسين فيه...
وجزء راح يعتزل العمل العسكري ويتحول لحزب " السلام الآن "، نيالك يا يوسي بيلين، حزبك راح يكتسح بالانتخابات الجاية!!!


أما الجزء الاكبر منكم راح يرجع لبلاده الاصلية مصاب باكتئاب من الدرجة العاشرة واذا ما انتحر راح يتفرغ للاعمال الخيرية...
أهلا وسهلا بجيش الدفاع
الكعك الغزاوي في انتظاركم
بالهنا والشفا