ليت الذي بيني وبينك عامر ..... وبيني وبين العالمين خراب
أعتذر من الجميع لأني لم أعلق على ردودهم
واعتذر من سلوى لأني لم أنتظر اسبوع
ولكني أشعر في الأختناق في هذا الصباح المليء
بالغبار والأخبار غير السعيدة
فلم أجد ملجأ لي سوى كهفي أختبيء فيه وأنزوي عن الجميع
ليت الذي بيني وبينك عامر وبيني وبين العالمين خراب
كل ما دق الكوز بالجرة بتذكر بيت الشعر هذا وكمان
ليتك تحلو والحياة مريرة
وليتك ترضى والأنام غضاب
كلام جميل اتذكره وربما أكاد لا أنساه لحظة
من منا لا يشعر بالأختناق والضيق ... طبعا ً الجميع ولكن الى من نفر في حمى
هذا الأختناق ؟ هل يوجد من نفر إليه ؟؟ هل هناك البلسم الشافي لكل الجراح ؟
هل هناك الصدر الحنين اللي يطبطب ويداوي ويداري ؟
هل بقي في هذا الوقت الرديء من يقوم بهذه المهمة لوجه الله تعالى ؟
صعب ... مستحيل ولكني لا زلت أكرر أغنية فيروز
سلمي لي عليه وقول له اني بسلم عليه
وبوس لي عينيه وقول له اني ببوس عينيه
وبوسه من خده وطول لي عليه
انت يااللي بتفهم عليه
سلم لي عليه
لما تتحاصر وتسكر عليك المنافذ كلها حتى أقرب الناس لألك وهو حضن الأم
تصير ممنوع تحكي وممنوع تفش قلبك لأنه قلبها ما بيتحمل
لإيمتى راح ضل اخبي عنها ولإيمتى راح كلنا تضل نتكتم ؟
خايفين عليها ولكن ان عرفت شو بده يكون ردة فعلها ؟
بنفسي أرفع السماعة وقول كل شيء عندي دفعة واحدة ولكن النتيجة شو ؟
انهيار أكيد ... معناته اسكت .. لكن الوضع ما عاد ينسكت عليه
الموضوع بيعنيها بالدرجة الاولى ولازم تعرف ومين يجروء على انه يقول ؟
احسن شيء يا امي سلم لي عليه وبوس عينيك الزرق اللي ما شفت
أحلى منهم بحياتي كلها واللي هم مصدر الامان الي طول عمري
واللي هم مسرحي وملعبي واللي من يوم ما قررت أكبر وأصير أخبي
عليك ضعت وضيعت كل الأيام الحلوة لكن مش راح ارتاح الا لما احكي
هو مريض ولازم تحكي معه ولكن بيقولوا يمكن ما ضل وقت وانت
لازم تعرفي ولازم تدعي له بالشفاء ويكون صوتك قريب منه في هذه الفترة
يا ترى راح تتحملي ؟ أشك في ذلك
عشان هيك انا جيت أتخبى هون خايفة ايدي تهرب على السماعة وتحكي
لكن في الله احن من الجميع وهو اللي بيوجهنا شو نعمل
والله يكون معه ويشفيه يا رب
قبلاتي يا احلى ام واحلى رفيقة بالدنيا
ميساء