[ميساء البشيتي]

يا هلا فتيحة ما يحلى الفرح من دونك
الله يبارك بعمرك يا غالية والله يا رب يطعمنا المزيد
من الفرح النا والكم ولجميع الحبايب يا رب
وكمان للي في بالي الله يطعمه الفرح ودائما بدعي له في سري
المهم يا فتيحة تعالي نشوف عروبة شو حكايتها عم تتخانق مع الدبانة
عارفين أنا شو بكره بالدنيا لما أقعد بره أشرب لي فنجان قهوة
وتطلع لي دبانة بتنزع كل القعدة والمشكلة الدبان غبي ما بيفهم
إنه هذه قهوة ما يقرب عليها .. أبداً ما كان يفهم ..
عارفين البسة قديش بيقولوا عنها غبية بس وصلت معها لتفاهم
صرت بس تيجي أضل هادية معها تقعد هي هادية كمان
صارت بس تشوفني تمشي من جنبي وتموي وتقعد عاقلة
يعني ما شاء الله عليها صايرة تفهم ..
مبارح وأنا بسوق لقيت بسة مدعوسة أما شو انسم بدني وتعقدت تماما
لما رجعت البيت وأنا نازلة من السيارة لقيت بستي قاعدة بانتظاري
ضحكت وقلت لها الحمدلله على السلامة يا زعرة خوفتيني عليك
ههههههههههههههههه
نلتقي