[ميساء البشيتي]

سلوى
هلا بها الطلة
وين الحلوين عنا
بيحضروا للسفر
الله الموفق يا غالية
اسمحوالي احبتي غير تجاه الشراع قليلاً طالما البوح على مصراعيه
الكل بيحكي عن أوراق وقهوة وأقلام وكتب وسفر وأنا
أنا
أعوذ بالله من قولة أنا
أنا
عم أسكر أوراق وأقلام وحبر وبخلي رشفة قهوة اتلذذ فيها
أنا عم افتح ذاكرة لوجوه صار لي مدة ما شفتها
بتذكرها منيح وبتذكر حكياتها وضحكاتها
انا عم ضب اوراقي لأنه باختصار لما تركتهن تركتهن ميساء بلا ورق
وهلأ بدي ارجع لهن ميساء بلا ورق
بدي ارجع بأحاسيسي ومشاعري وأشواقي وحنيني
عم أحاول اتذكر ميساء لكن صعب شوي
مبارح بلشت تيجيني المسجات بأني متغيرة
عصبت عليهن وقلت لا أنا ميساء بنتكن وبحبكن وراجعة
لامتني بنتي وقالت لي لا تكذبي انت تغيرتي
عن جد أنا تغيرت ؟ يمكن الغربة بتغير ؟ بس أنا ماالي ذنب .
وزي ما انتوا شايفين أنا عم أنشر كل شيء
لأني ما راح أحمل أوراق وأقلام
بدي أحمل لهن ميساء مثل ما هي
وإن هن بيحبوني يرجعوني مثل ما كنت
عشان هيك ان بكرة طلعت لكن على المنتدى اعرفوا انهن ما قدروا يرجعوني
وإن ما طلعت اعرفوا إني رجعت مبساء المشاكسة المشاغبة العفريتة
اللي لا الها في الرومانسية ولا الكتيبة
وابقوا الحقوني هناك ان اشتقتوا
باي