[فتيحة الدرابي]

اشعاعها مرسول ذهبي
يتحدى لغيام
من بعيد يوصل " فيتامين د "الدفي لعظام
الداوي لسقام
زينت السمية وغاليا وعاليا
عروسة ف سماها لابسة لباس ذهبي
ساكنا ف قلبي
بلا بيها نعيشوا ف ظلام
غناوا اعليها وبدعوا ف لكلام
عبدوها الناس لقدام
ملي تطل نفرح وتزول كل لكروب
وملي تغيب نتمتع بلغروب
حنينة ودافية ف البرد
حارة والشديدة ف الصهد
قالوا اعليها
البيت اللي الدخلو الشمس
ما يدخلو اطبيب
دواها طبيعي وف غيرها ما نصيب
الداوي بلا ادوا
امكورة وخيرها على لعباد
وعلى لرض اكثير
بشعاها يتبخر الماء
يطلع بقدرة الله للسما
وينزل قطرات كلها رحمة
تسقي الزرع والبكمة
تحيي لرض الميتة
ينبت الغرس والشجر
ويزيان ف الطبعة المنظر
هي الشمس الزينة الصافية بلا اغدر.