يا قدس




يا قدس
ما عندي عليك ما ندس(1)
هم العرب في الفلس
وهذا
جهد القادة تقاضى
سكاتنا عادة
كلشي بيها تعادى
القدس تموت
وحنا ناسيين الشهادة.
***
يا قدس ما عندي عليك ما ندس
هم العرب في الفلس
كلشي قاطع الحس
غزة وجنين
يا عرب
غزة وجنين
طاليين الدم حناني
ومكحلين بال دمعة العينين
يا صهيوني
ياك كتفتي الليدين
يا صهيوني
ياك سلسلتي الرجلين
لكن ما تقدر يا صهيوني
تمسح من القلوب فلسطين
***
يا عرب
راه غزة في حزة(2)
وانت ساكت
في دينك تتعزى
ما بقى فينا
غير كرش، سمية ورزة
وأنا ما نرضى
نكون وردة
في ليدين لعدا
لكن نرضى
نكون كردة(3)
ف ليد فلسطيني
خويا في ديني
وتكون ليه الروح فدا
والله يرحمك يا درة
يا عربي ولد الحرة
تعالى تشوف العرب
سكتوا بالمرة.

هوامش:
-1-ما عندي عليك ما ندس: ليس هناك ما أخبئ.
-2-كردة: حجر.
-3-حزة: في حاجة إليكم