[هدى نورالدين الخطيب]

(13)

أغاني الزفة على البيدر:

عددوا المهرة وشدوا عليها
تا ييجي العريس ويركب عليها
قلتللو يا عريس يا ابن الكرام
عيرني سيفك ليوم الكيوان
وسيفي محلوف عليه ما بعيره
جايي مسقّط من بلاد اليماني
(شدوا عليها= جيبو عباتُه أو عقالُه..)

بالهنا يا امّ الهنا يا بوادي
والتوت عيني ع بيض الجياد
والتوت عيني ع العريس بالأول
لأنه أحلى من تمر الفؤاد

ودّوا ورا أولاد عمُّه يجيبولو
بالطبول وبالزمور يلعبولو
بالخيول المبرشمة يطاردولو
..

بعد العودة من البيدر يدخلون البلد ويبدؤون بالغناء لأصحاب البيوت التي يمرون قربها (راجع التفاصيل سابقاً).

وبيّ فلان أول من نبدي
الله يجيرك من ليالي الشدِّه
وبي فلان هالعريس نزيلك
ذرّ القهيوي بطرف منديلك

(نزيلك= بساحتك أو بدارك أو عريسك..، منديلك= عباتك أو زنارك أو قميصك).
..

هوجي وموجي يا الفرس
واصحي لا تدبّينه يا الفرس
غالي ع محبينه يا الفرس
اصمدي بالخيمة يا الفرس
غالي على الميمة يا الفرس

(الخيمة= الفيّة أو لحاله، الميمة= الخيّ أو خاله).

اركب ويا عريس وعلّي ركبتك
يا ضمّة الريحان تزين سربتك
وإن كان يا عريس تريد ام الكردان
لانصب لك الرايات على مدخل على مدخل بيسان

(ام الكردان= ام المنديل أو ام الذهب، مدخل بيسان= جبال الخليل أو مدخل ((شعب)) وأصلها قلعة حلب).