تمشي حكومة و تجي حكومة
آحنا هما آحنا
و آنتما هما آنتما
السياسة كيف لبحر
حكومة اليوم بينت عل لغدر
ضربتها جات مقادة ف الظهر
بعد ما ركبنا الوسواس
مضغنا حالنا بين لضراس
صبرنا و قلنا ما كاين باس
الوزير ما وفى بكلامو
مع البدية طاح علامو
الليل زاد ف ظلامو
المسكين مسكين
عماو ليه العينين
الغلا ف المعيشة
حتى ف المازوط و البنزين
أما التقاعد ما سلمش من الزيادة
الحكومة زادت عامين
أمل المسكين خاب
باغي يعيش بكرامة
ماشي بالغميق و الفهامة
ناجية عامر في 08 ديسمبر 2014