[فتيحة الدرابي]

ردا على همستك الحزينة عزيزتي ميساء إليك هذه الزجلية بعنوان : بعد الرحيل وسأنشرها لأول مرة في صفحتك.
------------------

طفا الضو
اتسد اعليا الباب
دقيت لا من قال اشكون
لا من قال هاذ الساعة فين يمكن تكون
لا من سول عليا وهو مشطون
ولو حتى ف التلفون
وا واوا واوا وا وا أمــــــــــــــــــــي
وا فين امشيتي
كاين خويا كاين اختي
كاين عمي كاين خالتي
وا وا وا وا وا خاصني انتي
عيطت اعليك عيطة حنينة
يمكن اتسمعيني
يمكن اتجيني
ف لحلام والضميني
كيف العادة نتكلم معاك
واتنصحيني وتونسيني.

سعدت بهمسك الحزين أخيتي ميساء.