[فتيحة الدرابي]

وقتاش

وقتاش انفرقوا بين الزواق ولمزوق
نتحروا من الديون
وما يبقاش عنقنا بيها امطوق
انكونوا شعب امفوق
انعرفوا فين الحق وانوقفوا الدق
انبعدوا على الطريق اللي اتغرق
رينا ما يبقاش امعلق
صفنا ما يبقاش امفرق
ما يبقاش الشمايت ف خيراتنا يسرق
وفين ما كانت المصيبة لينا إيلصق
ما يفيد التلباق والتلصاق
انصحوا انفوسنا والأخطاء
لين لهروب يا هاد الشعوب
لبعضكم شي ضارب شي مضروب
امصدقين لكذوب
منوضينها قتيلة واحروب
امتقلين بالذنوب
الله اعلينا إيثوب - الله اعلينا إيثوب
ما يبقاش أمرنا مغلوب
ولا خيرنا مسلوب
ولا أعداء الله بالصدقة اعلينا اتجود
إيخربوا الديار
ويدخلوا بحجة إعادة لعمار
لا خير ف لشرار
ها العار اعطيونا التيقار
جواسيسكم وسط الدار
ف لمدينة وف الدوار
انخرتوا أمتنا شعلتوا فيها النار.
--------------------------------
أتمنى ان تروقك هذه الزجلية ، وهي تحمل نفس المعنى