[علاء زايد فارس]

قلب الأم بقى!
علاء زايد فارس





- شفت يا أخي، احنا ظلمنا نظام مصر فيما يخص معبر رفح!


- كيف ظلمنا نظام مصر وهو مغلق المعبر في وجه المسافرين والمرضى والطلاب الغزيين؟!


- ما شفت امبارح تصريحات السفير المصري في رام الله؟


- لا ما شفتها، بالله شو قال عن المعبر؟


- قال إغلاق المعبر بدافع الحرص على مصلحة المسافرين الفلسطينيين!


- وكيف إغلاق المعبر فيه مصلحة للمسافرين، وهو دمر الطلبة والمرضى ودمر مستقبل عائلات بأكملها وأعاق حركة المسافرين الغزيين؟؟؟ فهمني كيف؟؟


- يا راجل على مهلك، السفير بيقول أن إغلاق المعبر كان لدواعي أمنية حرصاً على أمن المسافرين الغزيين، يعني خايف عليهم من تفجيرات تستهدفهم أو عمليات إرهابية توجه ضدهم بسبب توتر الأوضاع في سيناء!


- الله أكبر، معقول عشان هيك مصر مغلقة المعبر؟

يعني مش عشان حماس من الإخوان متل ما كنا نسمع زمان؟!


- ايه والله، هيك الراجل بيحكي، وقال كل ما تكون الأوضاع رايقة بسيناء وما في خوف على حياة المسافرين راح يفتح المعبر!


- الله عليك يا أم الدنيا ، قلب الأم بقى!
ومتى حتروق سيناء يا فهيم؟
يعني كل خمسين سنة راح يفتح المعبر شهر؟

وبالك كيف بدي أصدق هالخرَّاف الفاضي والهبل الي بيحكيه سفير أم الدنيا؟


- خدلك شريط ترامادول عالريق واعمل مزاج متلي حتلاقي نفسك ماشي عقفاك وعدلت الصورة معاك!


- هات ياخوي هات، خليني أفهم هالعالم صح!
قال " إغلاق المعبر مصلحة للغزيين"!



1/1/2016م