[المصطفى حرموش]

نعلنا الشيطان..
رجمنا الشيطان..
درناه جار وتغاضينا..
سكناه بلا تواصل،
أقلنا جميع ''المولى حاضينا"..!
لمحصن فينا..
خرج السلكة،
شريكو ف الحركة.
تشفى فيه أ فينا..!
شحال من بلقيس..
تحزمت ب بليس..
حمل الواد ...غرقت السفينة...!
نعلوه بالزايد،
زريعة الكسايد..
يمكن تصيب عوينة..!
عييت نسال..عييت نبحث..
يمكن هدا السحت،
صنعت يدينا..‼
نعلناه ف البر..
نعلناه ف البحر..
صدق مخيم ف دخالينا..
درناه" باراج"ف وجه الزهر،
لبسناه ثوب الغدر،
سكناه ف كوابينا...!
عيب ،أعار.. نقول جميع:
"حطينا كوارينا''‼